Mateo 15:31 - O Debleskro Lab 2024 (Sinte-Manouche)

³¹ Oun i tsele menshe, kay troul leste tardo hi, kran bare yaka, har yon dikan, har i nassele sasto van. Kolla, kay nashte rakran gar, rakrenn nay. Oun kolla, kolengre vasta oun herya gar sasto his, len hi kanna saste vasta oun herya. Oun i bange nay djana. Oun i korele nay dikenna. Har i menshe kova dikan, sharan le o Israeleskro Debles.

O Debleskro Drom 2021 (Sinte)

³¹ Un i tsele menshe, kai trul leste tardo hi, kran bare jaka, har jon dikan, har i nassele sasto wan. Kolla, kai nashte rakran gar, rakrenn nai. Un kolla, kolengre wasta un herja gar sasto his, len hi kanna saste wasta un herja. Un i bange nai djana. Un i korele nai dikenna. Har i menshe kowa dikan, sharan le o Israeleskro Debles.

Mateo 15:31 Iomraidhean Croise

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

Mateo 15:30

Oun boud menshe anan pengre nasselen pash leste: i bangen, i korelen, kolen, kay nashte rakrenn gar, kolen, kolengre vasta oun herya gar sasto hi, oun boud vavar nasselen. Oun yon čivan kolen glan leste. Oun yob kras len sasto.

Mateo 18:8

Te kamell tiro vast, te kress i čilačo koova, de les tele oun vitse les toutar! Te kamell tout tiro piro ap o čilačo drom te anell, de les tele, oun vitse les toutar! Hi touke lačeder, te nashreh tou yek vast oun yek piro, oun leh ko djipen, hoy o Devel tout della, har te djas tou douy vastentsa oun douy pirentsa an i yag, hoy hako tsireske rhačella.

Mateo 21:14

Koy van korele oun bange an o Debleskro baro kheer pash o Yezouseste, oun yob kras len sasto.

Mateo 8:10

Har o Yezous kova shounas, kras lo bare yaka, oun penas ap kolende, kay leha djan: “Čačepah, me penau t'menge: Savo patsepen hatsom pash kekeste an o tselo them Israel.

Mateo 9:32

Oun har yon vin his, van menshe pash lende, kay anan i morshes pash o Yezouseste, kay nashte rakras gar. Oun les his i beng an leste.

Mateo 9:33

Oun o Yezous tradas o benges vin. Har ko beng vin his, nay rakras ko morsh pale. Oun kol boud menshe, kay kote tardo his, kran bare yaka oun penan: “Kek tsireske vas savo koova an o them Israel diklo.”

Mateo 9:8

Oun har kol boud menshe kova dikan, daran le o Deblestar oun sharan les, kay das i menshes yaake boud zoor.

Markus 2:12

Oun yob stas pre, las peskro čiben oun djas vin. Oun lauter dikan les, oun kran bare yaka. Yon sharan o Debles, oun penan: “An maro tselo djipen dikam savo koova gar.”

Markus 7:37

Oun kolenge, kay kova shounan, ačas o rakepen krik, oun yon penan: “O Yezous kras lauter mishto. Kolen, kay nashte shounenn gar, krell lo, te shounenn le. Oun kolen, kay rakrenn nashte gar, krell lo, te rakrenn le.”

Markus 9:43

Te kamell tiro vast, te kress o čilačo koova, de les tele! Hi touke feteder, te nashress tou yek vast, oun djiveh hako tsiro pash o Debleste, har te djas tou douy vastentsa an o bengeskri yag, hoy hako tsireske rhačella.

Louka 14:13

Te kameh tou i baro rhapen te krell, palle le kol čorvelen pash toute pre, ninna kolen, kay bango hi, kolen, kay nashenn nay gar, oun kolen, kay korelo hi, oun de len te rhal!

Louka 14:21

Ko boudepaskro vas pale, oun penas lauter peskro rayeske. Koy vas ko ray an i bari rholi, oun penas ap koleste: Dja ap i tsele dromma an o foro! An kol čorvelen, kol bangen, kol korelen oun kolen, kay nay nashenn gar, pash mande!

Louka 18:43

Oun yob dikas nay pale, djas o Yezouseha, oun sharas o Debles. Oun halauter, kay kova dikan, sharan o Debles ninna.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Johanni 9:24

Kol pralstoune bibolde dan koles, kay korelo his, o douyto kopo gole, oun penan ap leste: “Pen kanna o čačepen glan o Debleste! Mer djinah, kay djal kava Yezous gar ap o Debleskro drom.”