Mateo 15:30 - O Debleskro Lab 2024 (Sinte-Manouche)

³⁰ Oun boud menshe anan pengre nasselen pash leste: i bangen, i korelen, kolen, kay nashte rakrenn gar, kolen, kolengre vasta oun herya gar sasto hi, oun boud vavar nasselen. Oun yon čivan kolen glan leste. Oun yob kras len sasto.

O Debleskro Drom 2021 (Sinte)

³⁰ Un bud menshe anan pengre nasselen pash leste: i bangen, i korelen, kolen, kai nashte rakrenn gar, kolen, kolengre wasta un herja gar sasto hi, un bud wawar nasselen. Un jon tchiwan kolen glan leste. Un job kras len sasto.

Mateo 15:30 Iomraidhean Croise

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Markus 9:43

Te kamell tiro vast, te kress o čilačo koova, de les tele! Hi touke feteder, te nashress tou yek vast, oun djiveh hako tsiro pash o Debleste, har te djas tou douy vastentsa an o bengeskri yag, hoy hako tsireske rhačella.

Louka 14:13

Te kameh tou i baro rhapen te krell, palle le kol čorvelen pash toute pre, ninna kolen, kay bango hi, kolen, kay nashenn nay gar, oun kolen, kay korelo hi, oun de len te rhal!

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.