Mateo 15:28 - O Debleskro Lab 2024 (Sinte-Manouche)

²⁸ Penas lo: “Romniya, tiro patsepen ap mande hi bares. O Devel krell touke kova, hoy tou kameh.” Oun ap kava tsiro vas lakri čay sasto.

O Debleskro Drom 2021 (Sinte)

²⁸ Penas lo: “Romnija, tiro patsepen ap mande hi bares. O Dewel krell tuke kowa, hoi tu kameh.” Un ap kau tsiro was lakri tchai sasto.

Mateo 15:28 Iomraidhean Croise

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Ropaskre gilja 3:32

Ninna te doukell lo yekes, vell lo leske pale kamles. Yaake baro hi leskro lačepen.

Mateo 14:31

O Yezous rikras leske o vast koy, tapras les, oun penas ap leste: “Tiro patsepen hi tikno. Hoske patsal man gar?”

Mateo 15:27

“Tiro hi čačo, miro ray” penas li, “ninna i djoukle rhan i tikne kotya, hoy moukenn lengre raya ap i phoub te perell.”

Mateo 8:10

Har o Yezous kova shounas, kras lo bare yaka, oun penas ap kolende, kay leha djan: “Čačepah, me penau t'menge: Savo patsepen hatsom pash kekeste an o tselo them Israel.

Mateo 8:13

Oun palle penas o Yezous ap o pralstouno lourdo: “Dja khere! yaake har tou patsal, yaake vell kova.” Oun ap kava tsiro vas leskro boudepaskro sasto.

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Markus 5:34

Yob penas ap late: “Romniya, tiro patsepen kras tout sasto. Dja mo Debleha! Tiro nasslepen vell bouder gar pale.”

Louka 17:5

Oun kol deesh-te-douy bičepangre penan ap o Yezouseste: “Kre maro patsepen zoreles!”

Louka 7:50

O Yezous penas ap late: “Tou patseh ap mande. Doleske hi tiri doosh toutar krik lino. Dja mo Debleha!”

Louka 7:9

Har o Yezous kova shounas, kras yob bare yaka. Oun yob rissras pes trouyel, oun penas ap kolende, kay leha djan: “Me penau t'menge: Savo patsepen hatsom me gar an o tselo them Israel.”

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.