Mateo 15:27 - O Debleskro Lab 2024 (Sinte-Manouche)

²⁷ “Tiro hi čačo, miro ray” penas li, “ninna i djoukle rhan i tikne kotya, hoy moukenn lengre raya ap i phoub te perell.”

O Debleskro Drom 2021 (Sinte)

²⁷ “Tiro hi tchatcho, miro rai” penas li, “ninna i djukle chan i tikne kotja, hoi mukenn lengre raja ap i phub te perell.”

Mateo 15:27 Iomraidhean Croise

1. Mose 32:10

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Mateo 15:26

Penas lo ap late: “Kova hi gar mishto, te lell yek o čavengro rhapen lendar, oun vitsrell les glan i djouklende.”

Mateo 15:28

Penas lo: “Romniya, tiro patsepen ap mande hi bares. O Devel krell touke kova, hoy tou kameh.” Oun ap kava tsiro vas lakri čay sasto.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Mateo 8:8

Koy penas o pralstouno lourdo: “Me hom gar moldo, te vess tou pash mande. Te peneh tou yek lab, yaake vell miro boudepaskro sasto.

Markus 7:28

Penas li ap leste: “Tiro hi čačo, miro ray. Ninna i djoukle tel i rhapaskri rhan i tikne kotya, hoy moukenn i čave ap i phoub te perell.”

Louka 16:21

Kova mangas o bravelestar ko rhapen, hoy peras tele ap i phoub, te rhal lo kova. Oun i djoukle van pash leste, oun čaran leskro nasselo mass tele.

Louka 18:13

Ko pale-čiddo ačas palla tardo, oun hadas gar peskro shero pre. Oun yob das ap peskro beč, te sikrell lo, kay leskro čilačo koova khaytas les, oun penas: Miro Devel, me hom i čilačo morsh. Dik ap mande oun ab mange lačo!”

Remarja 10:12

Kava lab hi i tsele menshenge: i biboldenge, ninna kolenge, kay kek bibolde hi. Len halauteren hi yek ray. Oun yob dell o djipen lauterende, kay les mangenna.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:29

O Devel hi gar kokres i biboldengro Devel. Na-a, yob hi ninna o Devel kolenge, kay kek bibolde hi.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,