Mateo 15:11 - O Debleskro Lab 2024 (Sinte-Manouche)

¹¹ O rhapen oun o pipen, hoy i mensho an peskro mouy čivella, kova krell les gar pale-čiddo. Kol čilače laba, hoy i mensho rakrella, kolla krenn les pale-čiddo.”

O Debleskro Drom 2021 (Sinte)

¹¹ O chapen un o pipen, hoi i mensho an peskro mui tchiwella, kowa krell les gar pale-tchiddo. Kol tchilatche laba, hoi i mensho rakrella, kolla krenn les pale-tchiddo.”

Mateo 15:11 Iomraidhean Croise

Debleskri gili 10:7

Yob koshell, rhorhell oun dell trad. Leskro rakepen anella douka oun bibarht.

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Jesaja 37:23

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Mateo 15:10

Oun o Yezous das kol tsele menshende pash peste gole, kay kote tardo his. Oun yob penas ap lende: “Shounenn oun hayvenn mishto, hoy me t'menge penau!

Mateo 15:12

Pal kova van peskre mala pash leste oun penan ap leste: “Djineh tou, kay i Farisarya rhoyran pen, har yon tire laba shounan?”

Markus 7:15

Či, hoy an o mensheskro mouy dren vella, krell les pale-čiddo. Kova, hoy dran leskro dji vin vella, kova krell les pale-čiddo.

Remarja 14:14

Me djinau zoreles, – maro ray Yezous sikras man kova: Dell či, hoy hi pale-čiddo an peste. Kova kokres, kay patsell, te krell čomone les pale-čiddo, koleske hi kova pale-čiddo.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Remarja 14:20

Ma krenn kova paash, hoy o Devel kras! Ninna te hi kek rhapen pale-čiddo an peste, nay vell yekes i pharo dji, te rhal lo čomone, hoy leske pale-čiddo hi. Oun kova hi gar mishto.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.

Tito 1:15

Kolla, kay o Yezous lengri doosh lendar las, kolla hi djoudjo oun erligo glan o Debleste. Kolenge dell či, hoy hi pale-čiddo. Kolla, kay gar ap leste patsenn, kolla hi pale-čiddo glan o Debleste. Kolenge hi lauter pale-čiddo. Lengro dji hi čilačo, oun yon hayvenn bouder gar, hoy mishto oun čačo hi.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.