Mateo 13:52 - O Debleskro Lab 2024 (Sinte-Manouche)

⁵² “T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

O Debleskro Drom 2021 (Sinte)

⁵² “Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Mateo 13:52 Iomraidhean Croise

Esra 7:10

O Esra čivas peskre djiyeskre yaka ap o Debleskro drom, te hayvell lo les boud oun boudeder, oun te djivell lo pal o Debleskro lab, oun te sikrell lo halauterenge an o them Israel, hoy o baro Devel lendar kamell, oun har nay djivenn le pal leskro čačepen.

Esra 7:21

Me, o ray Artaxerxes, penom ap halauterende, kay an o them vergel o panyestar Yordan ap i khera garda denn, kay miro bravlepen dren hi: Halauter, hoy mangell t'mendar o Esra, ko rashay oun sikepaskro kol labendar o bolepaskro Deblestar, kova denn les sik;

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Gosewe laba 11:30

Kova, hoy i lačo oun čačo mensho krell, hi har i rouk, hoy o djipen dell. Ko mensho, kay gosevo hi, tserdell vavar menshen ap peskri rig.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 18:4

I laba i gosevo menshestar hi har telstoune panya, hoy nashenna an i phoub oun denn djipen.

Kamlepaskri gili 7:13

Taysarlake nashah menge kote, kay i drakengre rouka tardo hi, te dikas, har venn le zenelo oun hidjrenn bloume, oun har i phabyengre rouka tikne phabya hidjrenn. Kote dau tout miro kamlepen.

Mateo 12:35

Dran i lačo mensheskro dji vella lačo koova. Dran i čilačo dji vella čilačo koova.

Mateo 13:51

Hayvan t'mer kava lauter? Oun yon penan ap leste: “Ava.”

Mateo 13:53

Oun har o Yezous i menshenge kol tsele laba penas, kay i khatedo čačepen dren hi, stas lo pre oun djas peske.

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Louka 11:49

O Devel djinas kova. Doleske penas lo glan i rah tsiro: Me bičrau mire rakepangren oun mire bičepangren pash lende. Oun mashkral lende hi save morsha, kay venn lendar maredo, oun vavar venn palla lino.

Johanni 13:34

Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Efesarja 3:4

Te draverenn t'mer miro liil, palle hayvenn, kay prindjrau kova, hoy o Yezous Kristo menge kras.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 1:7

Kava lab penas t'menge maro kamlo phraal, o Epafras. Kova boudrella o Yezous Kristeske har mer. Yob krell peskri boudi mishto pash t'mende.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

Tito 1:9

Yob rikrell pes ap o Debleskro lab yaake, har kova leske penlo vas, oun čačo hi. Palle nay rakrell lo i patslenge an o dji, te ačenn le ap o čačo drom. Ninna nay sikrell lo kolende, kay vavar koova rakrenna, kay lengro gar čačo hi.