Mateo 13:47 - O Debleskro Lab 2024 (Sinte-Manouche)

⁴⁷ Ap ko dives, kay o Debleskri harmenatsyona vella, vell kova yaake har pash i mačepangre, kay vitsran pengre mačengre gone an o baro pani, oun tapran bare oun tikne mače.

O Debleskro Drom 2021 (Sinte)

⁴⁷ Ap ko diwes, kai o Debleskri harmenatsjona wella, well kowa jaake har pash i matchepangre, kai witsran pengre matchengre gone an o baro pani, un tapran bare un tikne matche.

Mateo 13:47 Iomraidhean Croise

Ezekiel 47:10

Oun pash leste hi mačengre tardo. An o tselo them mank En-Gedi oun En-Eglayim čivenn le pengre mačengre gone vin, te venn le trouk. Hako mačo, hoy dell, hi an leste, yaake boud har an o Mashkralstouno Baro Pani.

Mateo 13:44

Kova, kay hatsas o drom pash o Debleste, koleske hi kova har i kouč bravlepen, hoy an i kotar phoub khatedo hi. Oun i mensho hatsell les, oun khatrell les pale. Oun yob hi yaake barhtelo koy pral, te bikrell lo lauter, hoy les hi, oun ginell ko kotar phoub.

Mateo 13:46

Oun har yob i raylo oun kouč bar hatsas, bikras lo lauter, hoy les his, oun ginas les.

Mateo 13:48

Oun har kol gone pherdo mače his, tserdan le kolen ap o them, beshan pen tele, oun čivan i lače mačen an i čaro. Oun i djoungele mačen vitsran le ap i rig.

Mateo 4:19

Oun yob penas ap lende: “Avenn mantsa! Me krau t'mendar menshen, kay anenn vavaren pash mande.”

Markus 1:17

Oun o Yezous penas ap lende: “Avenn mantsa! Me krau t'mendar menshen, kay anenn vavaren pash mande.”

Louka 5:10

ninna ap o Yakobo oun ap o Yohanni, kolengro dad hi o Zebedeo. Kol douy boudran o Simoneha khetne. Oun o Yezous penas ap o Simoneste: “Ma traash! Me krau toutar yekes, kay anell menshen pash mande.”

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

Bičepangre 20:30

Ninna dran t'mende venn morsha, kay penenn i patslenge rhorhene laba, hoy gar o Deblestar vella. Oun yon tserdenn i patslen ap pengri rig.

1. Korintarja 11:19

Kova hounte vell yaake, te dikell hakeno, koon t'mendar an o patsepen mishto tardo hi.

2. Korintarja 11:26

Ap miro drom an boud vavar forya oun themma his boud kope o merepen glan mire yaka. Me nay tassoms an i divye panya, oun kol čorepangre nay dans man moulo. Oun i bibolde, oun ninna kolla, kay kek bibolde hi, kolla lan man palla. An o moulo them oun an o baro pani, kay homs, his o merepen glan mire yaka, oun ninna, har homs mank kol phralende, kay hi kek čače phrala.

Galatarja 2:4

His vavar morsha koy. Yon kran, har te vans le patsle. Yon kaman te dikell, har kol patsle djivenna, kay bouder gar ap o Moseskre laba pandlo hi. Mer, kay ham bouder gar pandlo ap kol laba, djivah kanna pal o Yezouseskre laba. Oun kol morsha, kay djivenn gar pal o Yezouseskre laba, kaman, te vas mer pale pandlo ap o Moseskre laba.

Debleskro tsiro 3:1

“Čin kava liil ap o Debleskro boudepaskro, kay dell yak ap i patslende an o foro Sardes: Kava penell kova, koles o Debleskro Dourho hi, oun koles i efta bolepangre momlia an o vast hi. Me djinau lauter, hoy t'mer kran. T'mer han moulo, ninna te penenn le pral t'mende, te han djido.