Mateo 13:43 - O Debleskro Lab 2024 (Sinte-Manouche)

⁴³ Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

O Debleskro Drom 2021 (Sinte)

⁴³ Palle hi kolla, kai kran, hoi lengro dad an o bolepen kamas, har i bari momeli an leskro railo them. Mukenn kowa an tumaro shero trujel te djal!

Mateo 13:43 Iomraidhean Croise

2. Mose 34:35

Har vas lo vin, te penell lo ap i Israelitarya, hoy o baro Devel leske penas, dikan yon, har leskro mouy hi har o kham. Palle khatras o Mose peskro mouy pale tel ko diklo, bis te djas lo pale dren, te rakrell lo o baro Debleha.

Daniel 12:3

Oun kolla, kay hayvan o Debleskro drom, hi har i momeli ap o bolepen. Oun kolla, kay sikran i vavarende o čačo drom, hi har i bolepangre momlia hako tsireske.

Mateo 11:15

Moukenn kova an t'maro shero trouyel te djal!

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 25:36

Man his kek ripen ap mande. Oun t'mer dan man i ripen. Me homs nasselo. Oun t'mer van pash mande. Me homs an o stilepen. Oun t'mer van ninna pash mande.

Mateo 26:29

Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Markus 4:23

Moukenn kova an t'maro shero trouyel te djal!

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Louka 22:29

Oun me kamau, te venn t'mer mantsa khetne raya, yaake har miro dad an o bolepen kamella, te vap o baro ray pral i menshende.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.