Mateo 13:41 - O Debleskro Lab 2024 (Sinte-Manouche)

⁴¹ O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

O Debleskro Drom 2021 (Sinte)

⁴¹ O Mensheskro Tchawo bitchrell peskre bolepangren ap i phub. Un jon lenn kolen glan leskre jaka krik, kai kran, hoi o Dewel gar kamella, ninna kolen, kai anan i wawaren ap o tchilatcho drom.

Mateo 13:41 Iomraidhean Croise

2. Samuel 23:6

Kol menshe, kay či molenna, hi har soubyengre patria, kay o dourho krik phourdas, oun kay nay taprell kek i vastentsa.

Zefanja 1:3

i menshen, i firhen, i čirklen oun i mače. Me lau i čilačen krik i phoubyatar, oun khetne lentsa lauter, hoy kras, te peran le mandar tele. Ava, kek mensho ačell djido ap kay phoub. Kova penell o baro Devel.

Mateo 13:49

Yaake djal kova ninna ap ko tsiro, kay o Debleskri harmenatsyona vella. I bolepangre venna, oun lenn kol čilačen mashkral i lačendar vin.

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Mateo 3:12

Yob hi har i harho, kay rikrell i vitsepaskri an peskro vast, te vitsrell lo o djob pral, yaake te perell o phouss tele ap i phoub. Peskro djob anell lo an peskro djobeskro kheer dren. Oun o phouss rhačrell lo an i yag, hoy hako tsiro rhačella.”

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Markus 13:27

Palle bičrell lo i bolepangren pral i tseli phoub, te anenn le dran hako them kolen khetne, kay len o Devel peske vin rodas.

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.