Mateo 13:35 - O Debleskro Lab 2024 (Sinte-Manouche)

³⁵ Oun yaake vas kova čačo, hoy o Debleskro rakepaskro glan i rah tsiro penas: O Devel penas: Me rakrau ap lende save labentsa, kay i khatedo čačepen dren hi. Me penau lenge kova, hoy kek mensho djinas, yaake rah har i phoub tardo hi.

O Debleskro Drom 2021 (Sinte)

³⁵ Un jaake was kowa tchatcho, hoi o Debleskro rakepaskro glan i rah tsiro penas: O Dewel penas: Me rakrau ap lende sawe labentsa, kai i khatedo tchatchepen dren hi. Me penau lenge kowa, hoi kek mensho djinas, jaake rah har i phub tardo hi.

Mateo 13:35 Iomraidhean Croise

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

Debleskri gili 78:2

Me kamau te rakrap i goseve labentsa pral i phoure tsirya.

Jesaja 42:9

Kova, hoy glan i rah tsiro penom, kova vas. Kanna penau nevo koova glan-vi. Glan o tsiro, kay kova vella, moukau me les t'men te shounell.

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Mateo 13:14

Ap kolende vell kova čačo, hoy penas o Debleskro rakepaskro, o Yesaya, glan i rah tsiro: T'mer shounenn oun hayvenn či. Oun t'mer dikenn oun hayvenn vitar či.

Mateo 13:3

Oun o Yezous rakras ap lende boud save laba, kay hi i khatedo čačepen dren. Oun yob penas: I harho djas vin, te vitsrell lo o tikno djob ap peskro kotar them, te vell ko djob bares.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 5:2

Oun yob penas ap lende:

Louka 10:14

Ap ko dives, kay rakrell o Devel o čačepen pral i menshende vin, djal kol menshenge an i forya Tirus oun Sidon feteder har t'menge kate.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Bičepangre 15:18

O Devel krell kova kanna, hoy yob glan i rah tsiro penas.”

1. Korintarja 2:7

Mer rakrah pral o Debleskro gosvepen, hoy i menshe gomme gar prindjrenna. O bolepen oun i phoub his gomme gar koy, har his o Debles an o dji, te djivas mer leha khetne an leskro raylepen.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 17:8

Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.