Mateo 13:33 - O Debleskro Lab 2024 (Sinte-Manouche)

³³ Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash i kotar shoutlo yarro, hoy las i djouvel oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.

O Debleskro Drom 2021 (Sinte)

³³ Un pale penas o Jesus lenge laba, kai i khatedo tchatchepen dren hi: Un job penas: Kote, kai o Dewel i menshen pash peste gole della, te djan le ap leskro drom, hi kowa jaake har pash i kotar shutlo jarro, hoi las i djuwel un tchiwas les mashkral an i baro tcharo parno jarro. Un ko tikno kotar shutlo jarro kras ko tselo jarro shutlo.

Mateo 13:33 Iomraidhean Croise

1. Mose 18:6

Koy nashas o Abraham sik an o plarhteno kheer pash i Sara oun penas: “Le sik triin khore parno yarro oun kre merklia!”

2. Samuel 13:6

Yaake čivas pes o Amnon tele, oun kras pes nasselo. Oun o baro ray vas pash leste, te dikell lo pal leste. Oun o Amnon penas ap o baro rayeste: “Mouk miri phenyat Tamar pash mande te vell, te krell li glan mire yaka yek, douy merklia, te lap kova dran lakro vast oun rhap.”

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Mateo 13:24

Oun yob penas lenge pale, har kote djal, kay dell o Devel i menshen pash peste gole, te djan le ap leskro drom. Oun yob penas: I harho vitsras o lačo djob ap peskro kotar them, te vell ko djob baro.

Markus 13:20

Te krals o Devel ko čilačo tsiro gar tikneder, vals kek mensho dran o čilačo tsiro vin. Kolen, kay o Devel peske vin rodas, kolenge kras lo o čilačo tsiro tikneder.

Louka 13:21

Kova hi yaake: I djouvel las i tikno kotar shoutlo yarro, oun čivas les mashkral an i baro čaro parno yarro. Oun ko tikno kotar shoutlo yarro kras ko tselo yarro shoutlo.”

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Galatarja 5:9

T'mer djinenna, i tikno kotar shoutlo yarro krell o tselo yarro shoutlo.

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

Čačepangre 6:19

Kote djas o Gideon koy, oun las i terni bouzni, oun maras lat, oun kras o rhapaske. Palle las lo i baro gono yarro oun kras lestar mare, an kolende kek shoutlo yarro his. Oun o mass čivas lo an i kashteno čaro. Oun i soummi, an kolate o mass keras, čivas lo an i piri. Oun yaake anas lo les vin pash leste tel ko baro rouk, oun čivas les leske glan.

1. Samuel 1:24

Oun har yob phouro doha his, las li les peha, oun djas leha pre an o foro Shilo. Oun las koy pashel yek triin-bershengro gouroum oun deesh kilogramme yarro oun yek ledertikro gono pherdi mool, oun anas kova pash o baro Debleskro kheer. O čavo his gomme terno.