Mateo 13:25 - O Debleskro Lab 2024 (Sinte-Manouche)

²⁵ An i rat, har i tsele menshe sovan, djas i čilačo ap ko kotar them, vitsras o djoungelo zenlepen mashkral o djob, oun djas peske.

O Debleskro Drom 2021 (Sinte)

²⁵ An i rat, har i tsele menshe sowan, djas i tchilatcho ap ko kotar them, witsras o djungelo senlepen mashkral o djob, un djas peske.

Mateo 13:25 Iomraidhean Croise

1. Rajengro liil 3:20

Oun yoy stas pre an i rati oun las miro čaves, kay pash mande čiddo hi, oun čivas les an lakri moussi, oun lakro čavo, kova, kay meras, čivas li an miri moussi. Oun me, miro ray, sovom oun hayvom či.

Mateo 13:24

Oun yob penas lenge pale, har kote djal, kay dell o Devel i menshen pash peste gole, te djan le ap leskro drom. Oun yob penas: I harho vitsras o lačo djob ap peskro kotar them, te vell ko djob baro.

Mateo 13:26

Oun o tsiro vas, te vell o lačo djob vin, oun vas bares. Oun koy vas ninna ko djoungelo zenlepen bares.

Mateo 13:27

Oun i boudepangre djan pash o harheste, oun poučan lestar: Ray, tou vitsral o lačo djob ap tiro kotar them. Kay vas o djoungelo zenlepen?

Mateo 13:29

Penas lo: Na-a! T'mer te tserdenn o djoungelo zenlepen vin, palle tserdenn t'mer o lačo djob ninna vin.

Mateo 13:30

Moukenn kova lauter khetne baro te vell, bis te anah mer o djob an o djobeskro kheer! Oun ap ko tsiro penau me ap kolende, kay ko djob činenna: Anenn o djoungelo zenlepen khetne, oun pandenn les khetne, te rhačrenn les! Oun palle anenn o djob khetne, oun anenn les an o djobeskro kheer!

Mateo 13:39

Oun kova, kay hi rhoyedo ap o Debleste oun vitsrell o djoungelo zenlepen ap i phoub, kova hi o beng. Oun ko tsiro, kay anenn le o djob an o djobeskro kheer, kova hi ko tsiro, kay o Devel o čačepen pral i tsele menshende vi-rakrella. Oun kol činepangre, kay činenn o djob tele, kolla hi bolepangre.

Mateo 25:5

Oun ko biyabeskro vas gar yaake sik. Doleske van lauter khino oun sovan dren.

Galatarja 2:4

His vavar morsha koy. Yon kran, har te vans le patsle. Yon kaman te dikell, har kol patsle djivenna, kay bouder gar ap o Moseskre laba pandlo hi. Mer, kay ham bouder gar pandlo ap kol laba, djivah kanna pal o Yezouseskre laba. Oun kol morsha, kay djivenn gar pal o Yezouseskre laba, kaman, te vas mer pale pandlo ap o Moseskre laba.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 2:20

Yek koova hi gar mishto pash t'mende. T'mer moukenn koy djouvel Isebel te rakrell, hoy yoy kamella, koya, hoy penell, te hi li o Debleskri rakepaskretsa. Yoy tserdell mire boudepangren o Debleskro dromestar tele oun penell lenge, te nay djan i morsha pash vavar djouvyende, oun i djouvya pash vavar morshende. Ninna penell li lenge, te nay rhan le ko mass, hoy vavar menshe glan pengro debleste anan.