Mateo 13:11 - O Debleskro Lab 2024 (Sinte-Manouche)

¹¹ Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

O Debleskro Drom 2021 (Sinte)

¹¹ Penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. I wawar menshe haiwenn kowa gar.

Mateo 13:11 Iomraidhean Croise

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 29:11

Lauter, hoy t'men o Devel sikras, hi t'menge har i laba an i liil, hoy krell nay kek pre. Kova hi yaake, har te dals yek i liil yekeste, kay hayvell te draverell, oun penell leske: Drave mange glan, hoy tardo hi. Oun kova penell: Kova djal gar, ko liil nay krell kek pre.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Mateo 13:10

Oun leskre mala van pash leste oun poučan lestar: “Hoske rakreh tou save laba ap lende, kay i khatedo čačepen dren hi?”

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Mateo 19:11

Penas lo: “Kava lab, hoy me penom, hayvell gar hakeno. Kolen, kay o Devel kava lab an o dji čivas, kolla hayvenn les.

Mateo 20:23

“Hi čačo,” penas lo, “t'mer hounte lenna boud douka ap t'mende, yaake har me hounte lap len ap mande. Ninna te hi yaake, nay penau t'menge gar, koon beshell ap miri čači rig oun ap miri servi rig. Kova hi gar an miro vast. Miro dad an o bolepen rodas kolen vin, kay ap miri rig beshenna.”

Markus 10:40

Ninna te hi yaake, nay penap t'menge gar, koon beshell ap miri čači rig oun ap miri servi rig. Kova hi gar an miro vast. O Devel rodas kolen vin, kay ap miri rig beshenna.”

Markus 4:11

Koy penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kol vavar, kay vin hi, ap kolende rakrau save labentsa, kay i khatedo čačepen dren hi,

Louka 8:10

Penas lo ap lende: “O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kova djinenn i vavar menshe gar. Lenge penau laba, kay o čačepen dren khatedo hi. Me rakrau yaake, te dikenn le kova nay, oun hayvenn les gar, oun yaake, te shounenn le les nay, oun hayvenn les gar.

Johanni 6:65

Oun yob penas doureder: “Doleske penom me t'menge, kay kek nay vell pestar pash mande. O dad kokres nay anell les pash mande.”

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Bičepangre 16:14

Koy his i djouvel, kay mangas kote o Debles an. Yoy his i bikepaskretsa oun bikras ripya dran lolo than. Koya kharas Lydia. Yoy his dran o foro Tiatira. Kolake kras o ray Yezous o dji pre. Oun yoy shounas, hoy o Paulo penas, oun vas patslo.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

1. Korintarja 15:51

Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

1. Korintarja 2:7

Mer rakrah pral o Debleskro gosvepen, hoy i menshe gomme gar prindjrenna. O bolepen oun i phoub his gomme gar koy, har his o Debles an o dji, te djivas mer leha khetne an leskro raylepen.

1. Korintarja 4:1

Hakeno hounte dikell ap mende, te ham mer o Yezous Kristeskre boudepangre. Yob das men koy boudi, te penas i menshenge, hoy o Debles an o dji hi, oun hoy i menshe gomme gar djinenna.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 1:9

Kek mensho djinas, hoy o Devel kamas te krell. Mende sikras lo, hoy les an peskro dji hi. Kova, hoy yob kamell te krell, krell lo o Yezous Kristeha.

Efesarja 5:32

Kava lab sikrell men i baro čačepen. Me rakrau o Yezous Kristestar oun kolendar, kay ap leste patsenna.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

1. Timoteo 3:9

Yon hounte rikrenn zoreles ap o čačepen, hoy o Devel sikras. Lengro patsepen hounte vell dran i djoudjo dji.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

1. Johanni 2:20

T'mer lan o Debleskro Dourho, oun lestar djinenn t'mer kova lauter.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.