Mateo 12:7 - O Debleskro Lab 2024 (Sinte-Manouche)

⁷ T'mer hayvan kol laba gar, hoy o Devel penas: Me kamau, te han t'mer lačo ap i vavarende. Me kamau gar, te marenn t'mer mange firhen. Te hayvans t'mer, hoy kova kharella, palle anans t'mer kek doosh ap mire malende. Yon anan kek doosh ap pende.

O Debleskro Drom 2021 (Sinte)

⁷ Tumer haiwan kol laba gar, hoi o Dewel penas: Me kamau, te han tumer latcho ap i wawarende. Me kamau gar, te marenn tumer mange viechen. Te haiwans tumer, hoi kowa kharella, palle anans tumer kek doosh ap mire malende. Jon anan kek doosh ap pende.

Mateo 12:7 Iomraidhean Croise

Hiob 32:3

Ninna vas lo rhoyedo pral o Hiobeskre triin mala: Ninna te hatsan yon či, hoy nay penenn le o Hiobeske pale, patsan le, te his doosh ap leste.

Debleskri gili 109:31

Yob vell o čorveleske ap i rig, oun lell les vin dran i vasta kolendar, kay penenn: “Yob hounte vell maredo.”

Debleskri gili 94:21

Yon čivenn pen khetne, te anenn le doosh ap koleste pre, kay an o čačepen tardo hi, oun denn koles i phagi, koles kek doosh hi, te vell lo maredo.

Gosewe laba 17:15

Kova hi douy kope i djoungelo koova glan o baro Debleskre yaka: te rakrell yek koles čačes, kay doosh ap peste las, oun ninna, te čivell yek doosh ap koleste, kay o čačepen kras.

Hosea 6:6

Dikenn, hoy kamau: Kamau, te rikrenn t'mer i lačo djiyeha ap mande, oun kamau gar, te anenn mange firhen. Kamau te prindjrenn man čačepah, oun kamau gar, te rhačrenn mange firhen.

Mateo 22:29

Penas o Yezous ap lende: “T'mer prindjrenn gar o Debleskro lab oun o Debleskri zoor vitar gar. Doleske hayvan t'mer či.

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

Markus 12:33

Te kamah mer les o tselo djiyeha, an lauter hoy krah oun djinah, oun te ham yaake lačo ap koleste, kay pash mende hi, har ham lačo ap mende kokres, palle hi kova feteder, har i tsele bakre oun groumya, hoy mer marah oun rhačrah o Debleske.”

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Jakobo 5:6

Koles, kay his kek doosh ap leste, anan t'mer glan i čačepangre, te vell lo moulo dino. Kova kamas pes gar t'mentsa te čingrell.

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.