Mateo 12:35 - O Debleskro Lab 2024 (Sinte-Manouche)

³⁵ Dran i lačo mensheskro dji vella lačo koova. Dran i čilačo dji vella čilačo koova.

O Debleskro Drom 2021 (Sinte)

³⁵ Dran i latcho mensheskro dji wella latcho koowa. Dran i tchilatcho dji wella tchilatcho koowa.

Mateo 12:35 Iomraidhean Croise

Hiob 8:10

Tire phoure nay sikrenn tout, hoy le vin hatsan, oun hoy yon an pengro djipen dikan:

Gosewe laba 12:6

I čilačengre laba kamenn yekes an o merepen te anell. O rakepen kolendar, kay o čačo drom djan, lell len dran o merepen vin.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 15:28

Koon an o čačepen tardo hi, rakrell peskro djiyeha glan kova yob čomone penell. Dran o mouy o čilačestar venn čilače laba vin har divyo pani.

Gosewe laba 15:4

I lačo lab, hoy i vavares zoor dell, hi har o rouk, hoy djipen della. I midjak lab phagell leskro dji.

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 7:17

Yaake vell lačo koova dran i lačo rouk, oun djoungelo koova dran i nasselo rouk.

Louka 6:45

Dran i lačo mensheskro dji vell lačo koova. Dran i čilačo dji vell čilačo koova. I mensho penell kova, hoy an leskro dji dren hi.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.