Mateo 12:34 - O Debleskro Lab 2024 (Sinte-Manouche)

³⁴ T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

O Debleskro Drom 2021 (Sinte)

³⁴ Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

Mateo 12:34 Iomraidhean Croise

Debleskri gili 53:1

I gili o rayeske pral i gipangre, te givell har koy gili Mahalat. O David kras kay gili.

Debleskri gili 64:3

Kol čilače venn khetne oun rakrenn, har yon nay krenn mange čilačepen. Khate man, miro Devel, glan lengri rholi!

Debleskri gili 64:5

Ap yek kopo denn le karye dran pengro khatepen ap koleste, kay o čačo drom djal, oun ladjenn pen gar.

Gosewe laba 16:23

I mensho i gosevo djiyeha rakrell laba, hoy mishto hi. Oun kova, hoy lo penell, sikrell i vavarende, hoy te krenn le.

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Jesaja 32:6

Ko dinelo mensho rakrell dinlepen. Oun an leskro dji hi djounglepen. Yob rakrell douy čipyentsa, oun kova, hoy lo pral o baro Debleste penell, hi gar čačo. Kolen, kay bokenna, dell lo či te rhal, oun kolen, kay troush hi, moukell lo gar te piyell.

Jesaja 59:14

Mer dam i vavaren gar lengro čačepen, oun boud kope rakram gar o čačepen pral lende vin. Ap i parepaskri platsa ginam oun bikram o rhorhepah, oun čačo rakepen hatseh kote gar.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Mateo 12:35

Dran i lačo mensheskro dji vella lačo koova. Dran i čilačo dji vella čilačo koova.

Mateo 15:18

Te penell i mensho čilače laba, venn kolla dran leskro dji vin. Oun kol čilače laba krenn o menshes pale-čiddo.

Mateo 23:33

T'mer han sapa. Ava, čilače sapa han t'mer. O Devel vitsrell t'men an o bengeskri yag. Oun t'mer nashte nashenn gar glan koleste krik.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Louka 3:7

Boud menshe djan pash o Yohanneste, te moukan le pen lestar te taufrell. Yob penas lenge: “T'mer han sapa! T'mer nay nashenn gar glan o Debleskri rholi krik, hoy vella pral i menshende.

Louka 6:45

Dran i lačo mensheskro dji vell lačo koova. Dran i čilačo dji vell čilačo koova. I mensho penell kova, hoy an leskro dji dren hi.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Efesarja 5:4

Hi vitar gar čačo o Debleskre čavenge, te rakrenn le djoungele laba, dinelo koova, oun sapaskro koova, hoy či moldo hi! T'mare labentsa sharenn o Debles, oun parkrenn t'men pash leste! Kova krenn oun gar ko vavar!

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

1. Samuel 24:13

O baro Devel mou vell o čačepaskro ray mank mende douyende! Yob dell tout pale, hoy tou ap mande kral! Miro vast taprell tout gar an!