Mateo 12:32 - O Debleskro Lab 2024 (Sinte-Manouche)

³² Oun yek te penell djoungele laba pral o Menshengro Čaveste, yaake nay bistrell lo kova. Yek te rakrell djoungele laba pral o Debleskro Dourho, kova bistrell lo an kek tsiro, gar an kava tsiro, oun vitar gar an ko tsiro, kay vella.

O Debleskro Drom 2021 (Sinte)

³² Un jek te penell djungele laba pral o Menshengro Tchaweste, jaake nai bistrell lo kowa. Jek te rakrell djungele laba pral o Debleskro Ducho, kowa bistrell lo an kek tsiro, gar an kau tsiro, un witar gar an ko tsiro, kai wella.

Mateo 12:32 Iomraidhean Croise

Hiob 36:13

Kolla, kay kamenn či o Deblestar te djinell, rikrenn pengri rholi an lengre djia. Ninna te dell o Devel len i phagi, denn le gar gole, te vell lo lenge ap i rig.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Mateo 12:31

Čačepah, me penau t'menge kanna: O Devel nay bistrell hako čilačo koova, hoy i menshe kran. Oun yon te rakrenn djoungele laba pral leste, yaake nay bistrell lo kova ninna. Yek penell djoungele laba pral o Debleskro Dourho, palle bistrell lo kova gar.

Mateo 12:8

Me, o Mensheskro Čavo, hom ninna o ray pral o Debleskro dives.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 13:39

Oun kova, kay hi rhoyedo ap o Debleste oun vitsrell o djoungelo zenlepen ap i phoub, kova hi o beng. Oun ko tsiro, kay anenn le o djob an o djobeskro kheer, kova hi ko tsiro, kay o Devel o čačepen pral i tsele menshende vi-rakrella. Oun kol činepangre, kay činenn o djob tele, kolla hi bolepangre.

Mateo 13:40

Oun yaake har ko djoungelo zenlepen khetne lino vella, oun an i yag vitsedo vella, yaake vell kova ap ko tsiro, kay o Devel o čačepen pral i tsele menshende vi-rakrella.

Mateo 13:55

Hi kova gar o čavo kolestar, kay boudrell i kashtentsa. Hi leskri day gar i Maria? Oun hi o Yakobo, o Yosef, o Simon, oun o Youdas gar leskre phrala?

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Markus 10:30

kova lell sheel kope yaake boud pale. Kanna, an kava tsiro lell lo khera oun phralen oun phenyen oun daya oun čaven, oun i kotar phoub. Ninna vell lo palla lino. An ko tsiro, hoy vella, lell lo o djipen, hoy gar pre-herella.

Markus 3:28

Čačepah, me penau t'menge: Hako čilačo koova, hoy i menshe kran, nay bistrell o Devel. Ninna te penenn le djoungele laba pral leste, nay bistrell lo kova.

Markus 3:29

Koon pral o Debleskro Dourho djoungele laba rakrella, kolestar vell koy doosh gar krik lino. Leskri doosh ačella hako tsiro.

Louka 12:10

Koon djoungele laba pral o Menshengro Čaveste penella, koleske nay bistrell o Devel kol laba, hoy yob penas. Koon praasell o Debleskro Dourhes, koleske nay bistrell o Devel kol laba gar, hoy yob penas.

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Louka 18:30

kova lell an kava tsiro lauter boud kope pale. Oun an ko tsiro, kay vella, dell o Devel les o djipen, hoy gar pre-herella.”

Louka 23:34

Koy penas o Yezous: “Miro dad, le i doosh kolendar krik, kay man ap o troushel dan! Yon djinenn gar, hoy yon kran.” Oun i lourde khelan pral leskre koola, te dikenn le, hoy hakeno lella.

Louka 7:34

Oun me, o Mensheskro Čavo, me vom, rhom oun piyom, oun mandar penenn t'mer: Kava hi i rhapaskro oun i pipaskro. Kava hi i maal kolendar, kay lenn i biboldendar love i Remaryenge dren, oun i maal kol vavarendar, kay čilačo koova kran oun doleske ninna pale-čiddo hi.

Johanni 7:12

Ninna kol boud menshe, kay van koy, rakran pral leste. His menshe mashkral lende, kay penan: “Yob hi i lačo morsh.” Vavar penan: “Na-a, yob rhorhella i menshen.”

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

Johanni 7:52

“Hal tou ninna dran o them Galilea?” poučan le lestar. “Tou te dravereh mishto an o Debleskre lila, palle dikeh, kay kek Debleskro rakepaskro vella dran o them Galilea.”

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Efesarja 1:21

oun das halauter an leskre vasta, te vell lo o ray pral i tsele rayende oun pralstunende, zorele oun bare. Kekeskro lab hi bareder har leskro lab an kava tsiro, oun ninna an ko tsiro, hoy vella.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

1. Timoteo 1:15

Hi čačo, hoy kanna penau. Oun t'mer nay patsenn man: Maro ray, o Yezous Kristo, vas ap kay phoub, te anell lo kolen ap o drom pash o Debleste, kay dour lestar an o čilačepen djivenna. Kolendar hom me o djoungleder.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Tito 2:12

An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.