Mateo 12:20 - O Debleskro Lab 2024 (Sinte-Manouche)

²⁰ Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

O Debleskro Drom 2021 (Sinte)

²⁰ Job hi latcho ap koleste, kai hi les buder gar bud soor. Job phagell les gar har i kasht, kai hi an-phagedo. Ninna i momeli, hoi gomme i tikno kotar chatchella, krell lo gar win. Jaake hi lo, bis te hi peskro tchatchepen pral halauter tardo.

Mateo 12:20 Iomraidhean Croise

2. Rajengro liil 18:21

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Debleskri gili 51:17

Baro Devel, kre miro mouy pre, te rakrap, hoy sharell tout!

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

3. Mose 10:20

Har shounas o Mose kova, his kova leske mishto.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Mateo 11:7

Oun har o Yohanneskre mala penge djana, rakras o Yezous ap kol boud menshende pral o Yohanneste, oun penas: Hoske djan t'mer an o moulo them? Kaman t'mer i morshes te dikell, kay hi har i patri, hoy i zorelo dourho pral i phoub phourdella? Na-a, savo morsh hi lo gar!

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

2. Korintarja 2:7

Kanna hounte bistrenn ko koova, hoy yob kras. Rakrenn lačes leha, te vell leske gar bouder ropaske.

Debleskro tsiro 6:2

Oun me dikom i parno grayes. Oun kova, kay pre beshdo hi, koles hi i bogo an o vast. Oun les vas i shereskro sonakay dino, hoy sikrella, te hi yob zorleder har boud vavar bare raya. Oun yob djas vin an o kourepen, oun vas zorleder har yon halauter.