Mateo 12:10 - O Debleskro Lab 2024 (Sinte-Manouche)

¹⁰ Koy his i morsh, koles his i bango vast. Yon kaman i doosh ap o Yezouseste pre te anell, te anenn le les nay glan i čačepangre. Doleske poučan le lestar: “Nay krah mer yekes ap o Debleskro dives sasto?”

O Debleskro Drom 2021 (Sinte)

¹⁰ Koi his i mursh, koles his i bango wast. Jon kaman i doosh ap o Jesuseste pre te anell, te anenn le les nai glan i tchatchepangre. Doleske putchan le lestar: “Nai krah mer jekes ap o Debleskro diwes sasto?”

Mateo 12:10 Iomraidhean Croise

Jesaja 32:6

Ko dinelo mensho rakrell dinlepen. Oun an leskro dji hi djounglepen. Yob rakrell douy čipyentsa, oun kova, hoy lo pral o baro Debleste penell, hi gar čačo. Kolen, kay bokenna, dell lo či te rhal, oun kolen, kay troush hi, moukell lo gar te piyell.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Zakarie 11:17

Djungeles djal koleske, kay hi i či-moldo bakrengro oun moukell i bakren kokres! Mou činell o rharo leskri moussi tele, oun leskro čačo yak vin! Leskri moussyatar te ačell či har i tikno kotar, oun leskro čačo yakeha dikell lo bouder či!”

Mateo 12:2

Kova dikan i Farisarya oun penan ap o Yezouseste: “Dik, tire mala krenn ap o Debleskro dives, hoy hi gar pal o biboldengro čačepen.”

Mateo 19:3

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay tradell i morsh peskri romyat pestar, ninna te kras li kek čilačepen?”

Markus 3:2

Oun yon dikan ap leste, oun poučan pendar: “Krell lo kanna kava morshes ap o Debleskro dives sasto?” Yon rodan čomone, te nay anenn le les glan i čačepangre.

Louka 11:54

Oun yon dan yak ap hako lab lestar, te nay taprenn le les leskre labentsa.

Louka 13:14

Koy rhoyras pes ko pralstouno an i biboldengri kangri, kay o Yezous koy djouvyat ap o Debleskro dives sasto kras. Oun kova penas ap i menshende: “Mer hounte boudras shob divessa. Avenn an kolla divessa, te moukenn t'men sasto te krell, oun gar ap o Debleskro dives!”

Louka 20:22

Pen menge: Hi mishto pal maro čačepen, te das mer o themeskre love o baro rayeste an o foro Rom?”

Louka 23:14

oun penas ap lende: “T'mer anan kava morshes pash mande, oun penan mange, te krell lo i menshen divyo. Me kamom lestar te shounell, hoy yob koy pre penella, oun hatsom kek doosh ap leste, hoy t'mer ap leste pre anan.

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Johanni 5:10

Dran kova penan kol pralstoune bibolde ap koleste, kay sasto vas: “Kava dives hi o Debleskro dives. Kava dives hidjress tou tiro čiben gar!”

Johanni 5:3

Kote his boud nassele čiddo: Save, kay nay dikan gar, oun save, kay nay nashan gar, oun bange.

Johanni 7:23

T'mer činenn t'mare čaven ap o mass ap o Debleskro dives, te vell rikedo, hoy o Mose činas an peskre lila. Hoske han t'mer yaake rhoyedo ap mande, kay krom i tselo menshes sasto ap o Debleskro dives?

Johanni 8:6

Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

Johanni 9:16

Kote his Farisarya, kay penan: “Kava morsh vas gar o Deblestar. Yob boudrell ap o Debleskro dives.” Vavar penan: “Har nay krell i čilačo morsh savo baro koova?” Oun mashkral lende djas o čingepen.