Mateo 11:28 - O Debleskro Lab 2024 (Sinte-Manouche)

²⁸ T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

O Debleskro Drom 2021 (Sinte)

²⁸ Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

Mateo 11:28 Iomraidhean Croise

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Hiob 5:7

Dran o mensheste kokres vell i bibarht, yaake har dran i yag tikne rhačede kotya pre phourdedo venn.

Debleskri gili 116:7

Me penau ap miro dji: “Ma dare bouder! O baro Devel his lačo ap toute.”

Debleskri gili 32:4

Miro Devel, dives oun rati his tiro vast phares ap mande čiddo, oun miri djipaskri zoor djas yaake peske mandar, har o zenlepen peskri zoor nashrella an o tato niyal.

Debleskri gili 38:4

Ap miro mass hi bouder či sasto dran tiri rholi. Ninna mire kokale doukrenna. Dran miri doosh vas kova ap mande.

Debleskri gili 94:13

Yaake rikreh les pale te djal lo an peskri bibarht, bis te vell o čilačeske i phoub vin hadedo, te perell lo dren.

Sikepaskro 1:14

Me dikom halauter, hoy kerdo vas ap kay phoub, oun nay penau t'menge, halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 1:8

Khines krell man halauter, hoy i menshe rakrenna, oun kek nay hatsell i čače laba. O yak nay dikell pes gar čales, oun o kand nay shounell pes gar čales.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 11:10

Ap ko dives vell i morsh dran o Davideskro kheer, har i tikno rouk dran i draba i tele-dino roukestar, oun vell i sikepen i tsele menshenge ap i phoub. Menshe dran vavar themma poučenn pal leste. Oun leskro foro, kay yob djivell, vell pherdo raylepen.

Jesaja 28:12

Kova rakras yob, kay glan rah tsiro ap lende penas: “Kate hi o them, kay nay lenn nevi zoor. Moukenn kolen pen tele te čivell, kay yaake tele maredo van. Kate nay čivenn le pen tele.” Yon kaman gar te shounell.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jeremia 31:25

Kolen, kay khino hi, dau me pale zoor, oun kolen kay bokenna, dau doha te rhal.”

Jeremia 35:16

Kolla, kay venn pal o Yonadab, yon rikran dren, hoy lengro phouro dad lenge penas. T'mer, i menshe dran Youda, shounenn gar ap mande!

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Mateo 23:4

Oun yon krenn i menshenge o djipen pharo. Ko tselo koova, hoy kolla hounte rikrenn, hi har i pharo gono ap lengri phik. I čačepangre oun i Farisarya kokres rikrenn pen gar ap kova.

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

Bičepangre 15:10

Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Bičepangre 20:35

Yaake sikrom t'mende, kay hounte boudras, te nay dah ninna i čorvelende čomone. Ma bistrenn kol laba, hoy o ray Yezous penas: Kova, kay della, hi barhtleder har kova, kay lella.”

Galatarja 5:1

O Yezous Kristo las men vin dran hako koova, ap kova pandlo hams. Ačenn zoreles oun moukenn t'men bouder gar te pandell!

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

Hebrearja 4:1

Dran kova denn mishto garda, te dell kek t'mendar peskro patsepen pre! An o phouro tsiro penas o Devel peskre menshenge, te dell lo len i them, kay yon hako tsiro khere hi. Kava lab, hoy o Devel lenge penas, ačell menge ninna. An o phouro tsiro shounan le les, oun patsan les gar. Yaake van le gar an o Debleskro them.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.