Mateo 11:21 - O Debleskro Lab 2024 (Sinte-Manouche)

²¹ Oun yob penas: Bibarhtelo venna t'mer menshe an o foro Korazin! Bibarhtelo venna t'mer menshe an o foro Betsayda! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun čivans yagakri čik ap pengre shere, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

O Debleskro Drom 2021 (Sinte)

²¹ Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Mateo 11:21 Iomraidhean Croise

Hiob 42:6

Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.

Jeremia 13:27

Yerusalem, me dikom, har moukal man, dikom tiri rhanč pal vavar deblen, tiro vi-ladjedo koova, tire figure, kolentsa rhoyral man ap i berge oun ap o them. Tou bibarhteli, hal pale-čiddo glan mande! Har rah kameh tou kova te ačell?

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

Mateo 11:22

Ap ko dives, kay rakrell o Devel o čačepen vin pral i tsele menshende ap i phoub, djal kol menshenge an i forya Sidon oun Tirus feteder har t'menge kate.

Mateo 15:21

Oun o Yezous djas peske, oun vas an o them, kay i forya Tirus oun Sidon čiddo hi.

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Mateo 26:24

O Mensheskro Čavo hounte merella, yaake har hi lestar činlo an o Debleskro lab. Havi bibarht vell ap koleste, kay ap leste phoukrella! Koleske vals feteder, te vals lo gar boldo.”

Markus 6:45

Oun sik pral kova tradas o Yezous peskre malen, te djan le an o bero, te oulerenn le glan leste vergel ap i vavar rig pash o foro Betsayda. Yob ačas pash i menshende, te bičrell lo len khere.

Markus 7:24

Oun o Yezous stas pre oun djas doureder, oun vas an ko them pash o foro Tirus. Kote djas lo an i kheer. Oun yob kamas, te djinell kek, kay yob hi. Oun ninna kote nay ačas lo gar khatedo.

Markus 7:31

Oun o Yezous djas vin dran o them pash o foro Tirus, oun djas an o them pash o foro Sidon, oun doureder pash o baro pani an o them Galilea. Oun yob vas mashkral an ko them, kay hi kol deesh forya čiddo.

Markus 8:22

O Yezous oun peskre mala van an o gab Betsayda. Koy anan le i morshes pash leste, kay dikas nay gar. Oun yon mangan o Yezousestar, te čivell lo peskro vast ap leste.

Louka 4:26

Pash kol djouvyende vas o Eliya gar bičedo. Yob vas bičedo pash yek djouvyate an o foro Sarepta, an o them Sidon, kolakro rom moulo hi.

Louka 6:17

Pal kova djas o Yezous lentsa i berga tele. Oun yon van ap i bourhlo kotar them. Koy his boud kolendar khetne, kay leske palla djan, oun ap leste shounan. Ninna boud vavar menshe his kote. Oun kolla van dran o tselo them Youdea oun dran o foro Yerusalem, ninna dran o them, kay i forya Tirus oun Sidon čiddo hi.

Louka 9:10

Oun kol deesh-te-douy bičepangre van pale, oun penan o Yezouseske, hoy yon lauter kran. Oun o Yezous las len peha, te vell lo lentsa kokres, oun djas lentsa pash ko foro Betsayda.

Johanni 1:44

O Filipo his dran o foro Betsayda. Ninna o Andreas oun o Petro his dran ko foro.

Johanni 12:21

Kolla van pash o Filipo, kay dran o gab Betsayda an o them Galilea his. Oun penan ap leste: “Ray, mer kamah o Yezouses te dikell.”

Bičepangre 12:20

O Herodes vas rhoyemen ap i menshende an i forya Tirus oun Sidon. Kolla lan pengro rhapen dran o Herodeskro them. Doleske bičran le khetne morshen pash leste, te vell lo pale lačo lenge. Kolla rakran koleha, kay das yak ap o Herodeskro kheer, leskro lab his Blasto, oun penan leske, te kamenn le bouder kek čingepen, oun mangan lestar, te penell yob kova o Herodeske.

Bičepangre 27:3

O vavar dives vam an o foro Sidon. O Yulio his kamlo ap o Pauleste, oun moukas les pash peskre malende te djal, te venn kolla leske koy.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

Debleskro tsiro 6:12

Oun me dikom, har o terno bakro i shobti dori pre pandas, hoy ko liil khetne rikras. Koy trissas i phoub zoreles. Oun o kham vas kalo har i kalo gono. Oun o tselo čon vas lolo har o rat.