Mateo 11:19 - O Debleskro Lab 2024 (Sinte-Manouche)

¹⁹ Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

O Debleskro Drom 2021 (Sinte)

¹⁹ Un me, o Mensheskro Tchawo, me wom, chom un pijom, un mandar penenn le: “Kowa hi i baro chapaskro un i pipaskro. Kowa hi i maal kolendar, kai lenn i biboldendar lowe i Remarjenge dren. Un kowa hi i maal kolendar, kai tchilatcho koowa kran un doleske pale-tchiddo hi.” Ninna te rakrenn le jaake, dikenn le ap o Debleskre menshende, kai kowa tchatcho hi, hoi o Dewel krella.

Mateo 11:19 Iomraidhean Croise

Debleskri gili 109:20

Kova vell i phagi o baro Deblestar kolenge, kay doosh ap mande pre anenn oun čilačo koova pral mande rakrenn.

Gosewe laba 17:24

Kova, kay hayvell, hoy mishto oun gar mishto hi, moukell pes gar tele te rikrell, te lell lo gomme boudeder gosvepen. I dinelo dikell kate te kote.

Gosewe laba 23:21

Ko pipaskro oun ko rhapaskro venn čorvelo, oun kolenge, kay kamenn gar te boudrell, vell ko tsiro, kay hi len či te rivell har koola hoy paash hi.

Mateo 5:46

T'mer te venn lačes kolenge, kay kran lačo koova ap t'mende, patsenn t'mer, kay o Devel sharell t'men? Na-a! Ninna i rhorhene hi lačes kolenge, kay ap lende lačes hi.

Louka 14:1

His i Debleskro dives, koy djas o Yezous pash i pralstouno Farisari an o kheer te rhal. Oun kol menshe kote lan les an o yak.

Louka 19:7

Har yon kova dikan, his yon rhoyemen oun penan: “Pash i pale-čiddo djal yob an o kheer.”

Louka 7:29

Kolla, kay shounan les, oun ninna kol bibolde, kay lenn love i Remaryenge dren, dan o Debles čačes, oun moukan pen o Yohannestar te taufrell.

Johanni 2:2

Kol biyabengre mangan o Yezouses ninna ap ko biyab te vell peskre malentsa, oun yaake his lo lentsa ninna ap ko biyab.

Remarja 15:2

Hakeno mendar hounte djivell yaake, te dikell o vavar lačes ap leste oun vell zorleder an o patsepen.

Debleskro tsiro 7:12

Oun yon penan: “Hi mishto, te givas mer gilya maro Debleske, hoy les hadenna, oun hoy les bares krenna. Leskro raylepen oun gosvepen hi baro. Oun les hi bari zoor. Hi mishto, te parkras men pash leste, oun te sharas les, kanna oun hako tsireske. Amen!”