Mateo 11:12 - O Debleskro Lab 2024 (Sinte-Manouche)

¹² Har o Yohanni vas oun i menshen taufras, vas o Debleskro nevo tsiro. An kava tsiro dell o Devel i menshen pash peste gole, te djan le ap leskro drom. Oun bis kava dives kamenn čilače menshe i zoryah o Debleskri boudi paash te krell. Yon kamenn te vell len penepaske koy pral.

O Debleskro Drom 2021 (Sinte)

¹² Har o Johanni was un i menshen taufras, was o Debleskro newo tsiro. An kau tsiro dell o Dewel i menshen pash peste gole, te djan le ap leskro drom. Un bis kau diwes kamenn tchilatche menshe i sorjah o Debleskri budi paash te krell. Jon kamenn te well len penepaske koi pral.

Mateo 11:12 Iomraidhean Croise

Mateo 11:11

Čačepah, me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay moukenn man pengro ray te vell, kova hi bareder har o Yohanni.

Mateo 11:13

Oun i tsele Debleskre rakepangre oun o Mose rakran glan i rah tsiro pral kava nevo tsiro. Kanna hi o Yohanni koy, oun ko nevo tsiro vas.

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Louka 13:24

Oun o Yezous penas pale: “Krenn lauter, te djan an ko tikno voudar dren! Me penau t'menge: Boud kamenn an ko voudar dren te djal. Oun hayvenn kova gar.

Louka 16:16

An o phouro tsiro rikran pen i menshe ap kova, hoy o Mose oun i Debleskre rakepangre penan. Har vas o Yohanni, vas o Debleskro nevo tsiro. Kanna vell i menshenge o lačo lab penlo, te dell o Devel i menshen pash peste gole, te djivenn le leha khetne an yek harmenatsyona. Oun hakeno kamell zoryah yaake dren te vell, har yob kamella.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!