Mateo 11:11 - O Debleskro Lab 2024 (Sinte-Manouche)

¹¹ Čačepah, me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay moukenn man pengro ray te vell, kova hi bareder har o Yohanni.

O Debleskro Drom 2021 (Sinte)

¹¹ Tchatchepah, me penau tumenge: Kek was boldo ap kai phub, kai hi bareder har o Johanni. Me penau tumenge ninna: O tikneder kolendar, kai mukenn man pengro rai te well, kowa hi bareder har o Johanni.

Mateo 11:11 Iomraidhean Croise

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Hiob 15:14

Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Mateo 11:10

Lestar hi činlo an o Debleskro lab: O Devel penas ap peskro čaveste: Me bičrau i morshes glan toute ap o drom, te krell lo touke i drom, te nay vess pash i menshende.

Mateo 11:12

Har o Yohanni vas oun i menshen taufras, vas o Debleskro nevo tsiro. An kava tsiro dell o Devel i menshen pash peste gole, te djan le ap leskro drom. Oun bis kava dives kamenn čilače menshe i zoryah o Debleskri boudi paash te krell. Yon kamenn te vell len penepaske koy pral.

Mateo 3:1

An ko tsiro vas i morsh an o moulo them an o them Youdea. Leskro lab his Yohanni. Yob hi kova, kay taufras i menshen.

Mateo 3:11

Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Mateo 5:19

Koon yek kol tikneder labendar ap i rig čivella, oun i menshenge kova yaake penella, kova hi o tikneder mashkral kolende, kay djivenn khetne o Debleha an o bolepen. Koon krella, hoy o Devel penas, oun sikrell kova i menshende, kova vella bares mashkral kolende, kay djivenn khetne o Debleha an o bolepen.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Louka 7:28

Me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay patsenn ap mande oun moukenn man pengro ray te vell, kova hi bareder har o Yohanni.

Louka 9:48

oun penas ap lende: “Kova, kay lell kava čaves pash peste pre an miro lab, kova lell man pash peste pre. Koon man pre lella, kova lell koles pre, kay bičras man. Koon mashkral t'mende o tikneder hi, kova hi baro.”

Johanni 1:15

O Yohanni rakras lestar, oun das gole: “Yob hi kova, kolestar penom: Kova, kay pal mande vella, hi pral mande. Yob his glan mande koy.”

Johanni 1:27

Kova vell pal mande. Me hom gar mishto doha, te krap leskre kirrha pre.”

Johanni 10:41

Koy van boud menshe pash leste oun penan: “O Yohanni kras kekes sasto. Halauter, hoy yob pral kava morsheste penas, hi čačo.”

Johanni 3:30

Me hounte vap tikno oun tikneder. Oun yob hounte vell baro oun bareder.

Johanni 5:35

O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

1. Korintarja 6:4

Hoske anenn t'mer ko tikno koova glan kol čačepangre, kay hi či penepaske pral i patslende, oun kamenn kolendar t'maro čačepen?

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

2. Timoteo 1:10

Kanna vas o Yezous Kristo, te sikrell lo men o Debleskro lačepen. O Yezous Kristo las men dran o čilačepen vin, oun kras, te vell o merepen bouder kek zoor pral mende. Yob anas menge ko djipen, hoy ačella, har peskro lačo lab penella.

Hebrearja 11:40

O Debles his an peskro dji i feteder drom menge. Yob kamas gar, te venn kol phoure patsle glan maro tsiro pash leste. Yob kamell, te vas mer lauter khetne pash leste an o bolepen.

1. Petro 1:10

Kol Debleskre rakepangre rakran glan i rah tsiro pral ko lačepen, hoy o Devel t'men della. Yon kaman te djinell, har nay lenn i menshe o Debleskro djipen an o bolepen.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.