Mateo 11:1 - O Debleskro Lab 2024 (Sinte-Manouche)

¹ Oun har o Yezous peskre deesh-te-douy malenge penas, hoy hounte krenn le, djas lo doureder an i vavar biboldengre forya, te sikrell lo kote i menshende o Debleskro drom.

O Debleskro Drom 2021 (Sinte)

¹ Un har o Jesus peskre deesh-te-dui malenge penas, hoi hunte krenn le, djas lo dureder an i wawar biboldengre forja, te sikrell lo kote i menshende o Debleskro drom.

Mateo 11:1 Iomraidhean Croise

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 7:28

Oun har o Yezous kova lauter penas, kran kol boud menshe, kay troul leste his, bare yaka.

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Markus 6:12

Oun kol deesh-te-douy djan trouyel, oun penan i menshenge: “Moukenn t'maro čilačo drom, oun djan ap o Debleskro drom!”

Louka 23:5

Yon moukan gar tele, te anenn le čilačo koova ap o Yezouseste, oun penan: “Yob kras i menshen divyo an o them Galilea, oun an o tselo them Youdea, oun an o foro Yerusalem ninna.”

Louka 8:1

Oun o Yezous djas an i forya oun gaba trouyel, te penell lo i menshenge o lačo lab, kay o Devel kamell len dran o čilačepen vin te lell, oun kamell lengro ray te vell. Leskre deesh-te-douy mala djan leha.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 15:14

Te krenn t'mer, hoy me t'menge penom, han mire mala.

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 10:42

Yob penas menge, te penas mer i tsele menshenge, kay o Devel rodas les vin, te hi lo o čačepaskro ray, kay rakrell o čačepen vin pral i tsele menshende, pral kolende, kay djivenna, oun ninna pral i moulende.

1. Tessalonikarja 4:2

T'mer djinenna, hoy yob t'mendar kamella. Mer penam les t'menge.

2. Tessalonikarja 3:10

Ninna har pash t'mende hams, penam t'menge: Kova, kay kamell gar te boudrell, kova hounte rhal vitar gar.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

1. Timoteo 6:14

Rike o tselo djiyeha ap kol laba, hoy touke penlo van, te hatsell kek i doosh ap toute. Ač koy pashel yaake rah har maro ray, o Yezous Kristo, gomme gar pale vas.