Mateo 10:7 - O Debleskro Lab 2024 (Sinte-Manouche)

⁷ T'mer te venn pash lende, palle penenn lenge: O tsiro vell sik, kay lell o Devel i menshen dran o čilačepen vin.

O Debleskro Drom 2021 (Sinte)

⁷ Tumer te wenn pash lende, palle penenn lenge: O tsiro well sik, kai lell o Dewel i menshen dran o tchilatchepen win.

Mateo 10:7 Iomraidhean Croise

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Mateo 10:8

Krenn i nasselen sasto, oun krenn i moulen djido! Oun kolla, kay i djoungelo nasslepen ap o mass hi, kolen krenn ninna sasto! Tradenn i bengen dran i menshende vin! Kay zoor dom t'men čičeske. Doleske krenn kova ninna čičeske, oun lenn kek love lendar!

Mateo 11:1

Oun har o Yezous peskre deesh-te-douy malenge penas, hoy hounte krenn le, djas lo doureder an i vavar biboldengre forya, te sikrell lo kote i menshende o Debleskro drom.

Mateo 21:31

Koon kol douyendar kras kova, hoy o dad kamas?” Penan le ap leste: “O phoureder.” Penas o Yezous: “Čačepah, me penau t'menge: Kol bibolde, kay i love i Remaryenge dren lenna oun hi t'menge pale-čiddo, oun i loubya venna sikeder ap o Debleskro drom har t'mer.

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 3:2

Oun yob penas i menshenge: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Mateo 4:17

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Markus 6:12

Oun kol deesh-te-douy djan trouyel, oun penan i menshenge: “Moukenn t'maro čilačo drom, oun djan ap o Debleskro drom!”

Louka 16:16

An o phouro tsiro rikran pen i menshe ap kova, hoy o Mose oun i Debleskre rakepangre penan. Har vas o Yohanni, vas o Debleskro nevo tsiro. Kanna vell i menshenge o lačo lab penlo, te dell o Devel i menshen pash peste gole, te djivenn le leha khetne an yek harmenatsyona. Oun hakeno kamell zoryah yaake dren te vell, har yob kamella.

Louka 9:2

Oun yob bičras len pash i menshende, te penenn le lenge, te hi o tsiro kanna kay, kay o Devel i menshen pash peste gole della, te djan le ap leskro drom. Oun yob bičras len ninna, te krenn le i nasselen sasto.

Louka 9:6

Oun o Yezouseskre deesh-te-douy mala kran pen ap o drom, oun djan an yek gab pal o vavar, penan i menshenge o Debleskro lab, oun kran i nasselen sasto kote, kay yon ninna djan.

Louka 9:60

Penas o Yezous ap leste: “Mouk kol moule pengre moulen te paskrell! Dja oun pen i menshenge, kay o tsiro kanna kay hi, kay o Devel kamell len dran o čilačepen te lell, oun kamell lengro ray te vell!”

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Bičepangre 10:25

Oun har o Petro dren vas, djas o Kornelio pash leste, vitsras pes glan leskre pire tele, oun mangas les an.

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Bičepangre 4:2

Yon his rhoyemen pral o Petreste oun o Yohanneste, te sikran kalla i menshende o Debleskro drom oun penan, kay o Yezous i moulendar pre stas.