Mateo 10:25 - O Debleskro Lab 2024 (Sinte-Manouche)

²⁵ Yek, kay djal an o sikepaskro kheer, koleske hi doha, te djinell lo yaake boud har peskro sikepaskro. Oun i boudepaskro, koleske hi doha, te hayvell lo yaake boud har peskro ray. Oun te penenn le ap o rayeste pral o kheer: Beng! palle kharenn le ninna kolen yaake, kay an leskro kheer djivenna. Doleske ma darenn lendar!

O Debleskro Drom 2021 (Sinte)

²⁵ Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Mateo 10:25 Iomraidhean Croise

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

Mateo 12:24

Har i Farisarya kova shounan, penan le: “O pralstouno beng das les i zoor. Dran kova nay tradell yob i bengen vin.”

Mateo 12:27

Te dals o pralstouno beng mande peskri zoor, te nay tradoms i bengen vin, koon dals t'mare menshen i zoor, te tradenn le i bengen vin? Vell yek dives, kay yon penenn t'menge, kay kova gar čačo hi, hoy t'mer pral mande rakran.

Mateo 9:34

I Farisarya penan: “O pralstouno beng das les koy zoor. Doleske nay tradell yob kol bengen vin.”

Markus 10:39

Penan le: “Ava, kova nay krah mer.” Penas o Yezous ap lende: “T'mer hounte lenna boud douka ap t'mende, yaake har me hounte lap len ap mande. Oun t'mer hounte djan an o merepen, yaake har me hounte djap.

Markus 3:22

Oun i biboldengre čačepangre, kay van dran o foro Yerusalem tele, penan: “O pralstouno beng hi an leste!” Oun yon penan ninna: “O pralstouno beng das les i zoor, te nay tradell yob i bengen vin.”

Louka 11:15

Mashkral lende his save, kay penan: “O pralstouno beng das les koy zoor. Doleske nay tradell yob kol bengen vin.”

Louka 11:18

Te tradell o beng i vavar benges vin, djal leskri zoor paash. T'mer penan mange, kay me tradau i bengen dran o bengeskri zoor vin.

Louka 11:19

Poučau t'mendar: Me te tradau i bengen dran o bengeskri zoor vin, har nay tradenn t'mare menshe len vin? Vell i dives, kay yon penenn t'menge, kay kova gar čačo hi, hoy t'mer pral mande rakran.

Johanni 10:20

Boud lendar penan: “I beng hi an leste oun yob hi dinelo. Ma shounenn ap leste!”

Johanni 7:20

“An toute hi i beng”, penan kol tsele menshe. “Koon kamell tout te marell?”

Johanni 8:48

“Hi maro gar čačo?” penan kol bibolde. “Tou hal i Samaritari oun an toute hi o beng, yaake har mer les penam.”

Johanni 8:52

Koy penan yon: “Kanna djinah mer, kay hi an toute i beng. O Abraham meras, oun o Debleskre rakepangre meran ninna. Oun tou peneh: Te krell yek, hoy me kamau, kova merell bouder gar.