Mateo 10:1 - O Debleskro Lab 2024 (Sinte-Manouche)

¹ Oun o Yezous das peskre deesh-te-douy malen pash peste gole, oun das len i zoor pral i benga, te nay tradenn le len dran i menshende vin, oun te nay krenn le lauteren sasto, kay nasselo hi.

O Debleskro Drom 2021 (Sinte)

¹ Un o Jesus das peskre deesh-te-dui malen pash peste gole, un das len i soor pral i benga, te nai tradenn le len dran i menshende win, un te nai krenn le lauteren sasto, kai nasselo hi.

Mateo 10:1 Iomraidhean Croise

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Mateo 26:20

Ap i rati vas o Yezous peskre deesh-te-douy malentsa an ko kheer. Oun yon beshan pen, te rhan le ko rhapen.

Mateo 26:47

Oun har yob yaake rakras, vas o Youdas, ko yek kol deesh-te-douyendar. Pash leste his boud vavar morsha. Len his rhare oun kashta an i vasta. Kolen bičran i bare rashaya oun i biboldengre phoureder.

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 6:13

Ma mouk men tiro dromestar tele te djal! Le men dran o bengeskro vast vin!

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Mateo 9:38

Doleske mangenn o Deblestar, te bičrell lo boudepangren, kay leske boudrenna!”

Louka 10:19

Shounenn: Me dom t'men i zoor pral o bengeskri tseli zoor. T'mer stakrenna ap i sapa oun ap i skorpione. Oun kek nay doukrell t'men.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Louka 24:49

Oun me bičrau t'menge koles, kolestar miro dad penas, te vell yob pash t'mende. Ačenn an o foro Yerusalem yaake rah, bis te lan i zoor dran o bolepen!”

Louka 6:13

Har dives vas, das lo peskre malende gole, oun rodas deesh-te-douyen lendar vin, te venn le leskre bičepangre.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Johanni 3:27

Koy penas o Yohanni ap lende: “Kek nay lell čomone, te das les o Devel kova gar.

Johanni 3:35

O dad kamell o čaves, oun das halauter an leskro vast.

Johanni 6:70

O Yezous penas lenge: “Me rodom t'men deesh-te-douyen vin. Oun an yekeste t'mendar hi o beng.”

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 19:15

Har kaman yon i benges vin tradenn, penas yob ap lende: “O Yezouses prindjrau me, oun o Paulestar shounom ninna. Koon han t'mer?”

Debleskro tsiro 12:1

Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.