Mateo 1:21 - O Debleskro Lab 2024 (Sinte-Manouche)

²¹ Oun yoy lella i čaves. Tou deh les o lab Yezous. Yob lella i doosh peskre menshendar ap peste.

O Debleskro Drom 2021 (Sinte)

²¹ Un joi lella i tchawes. Tu deh les o lab Jesus. Job lella i doosh peskre menshendar ap peste.

Mateo 1:21 Iomraidhean Croise

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

1. Mose 17:21

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 18:10

Koy penas yek kol trinendar ap leste: “Čačepah, vavar bersh an kava tsiro vau me pale pash toute. Koy hi tiri romyat, i Sara, i čavo.” Oun i Sara his tardo pal leste, pal o voudar ko plarhteno kherestar, oun shounas lengro rakepen.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Jeremia 33:16

An ko tsiro venn i menshe an Youda vin lino dran i čilače vasta, oun kolla an Yerusalem nay djivenn kek daryah. Oun o foro vell kharedo o baro Devel krell men čačo.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 1:25

Yaake rah, har ko ternepen gar boldo vas, čivas lo pes gar pash late. Oun har o čavo boldo vas, das yob les o lab Yezous.

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 1:31

Shoun, tou veh an vavar koova, oun leh i čaves. Koles dess tou o lab Yezous.

Louka 2:11

Kava dives vas t'menge an o foro Betlehem kova boldo, kay lell t'men dran o čilačepen vin. Yob hi ko baro ray, kolestar o Devel penas, te vell yob.

Louka 2:21

Har orhta divessa trouyel his, oun o ternepen ap o mass činlo vas, dan le les o lab Yezous. Kava lab penas o bolepaskro i Mariake, har yoy gomme gar an vavar koova his.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Johanni 4:42

Yon penan koy djouvyake: “Kanna patsah mer ap leste, oun gar kokres, hoy tou menge lestar penal. Mer shounam les, oun djinah kanna, kay yob kova hi, kay lell i menshen dran o čilačepen oun o merepen vin.”

Bičepangre 13:23

Dran o Davideskre menshende moukas o Devel o Yezouses te vell, har yob kova glan i rah tsiro penas. O Yezous hi kova, kay lell mare menshen dran o čilačepen oun o merepen vin.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Bičepangre 4:12

Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

Čačepangre 13:3

Oun o bolepaskro o baro Deblestar moukas pes latar te dikell oun penas ap late: “Tou djineh, te nay leh kek čaven. Kanna djiness, tou veh vavarčandes oun leh i morsh čaves.

1. Samuel 1:20

te vas li vavarčandes. Oun har lakro tsiro vas, las li i morsh čaves, oun das les o lab Samuel. Yoy penas: “O baro Deblestar mangom les mange.”