Mateo 1:19 - O Debleskro Lab 2024 (Sinte-Manouche)

¹⁹ O Yosef his i lačo morsh. Oun yob kamas kek ladj ap late anell. Doleske kamas lo lat čorrhanes te moukell.

O Debleskro Drom 2021 (Sinte)

¹⁹ O Josef his i latcho mursh. Un job kamas kek ladj ap late anell. Doleske kamas lo lat tchorchanes te mukell.

Mateo 1:19 Iomraidhean Croise

1. Mose 38:24

Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

3. Mose 19:20

Te hi i morshes i pirni, kay i ginli boudepaskretsa hi, oun yoy hi gar vin mouklo oder vin ginlo, oun i vavar morsh sovell lah, hounte lell lo peskri phagi. Kal douy hounte merenn gar.

3. Mose 20:10

Te sovell yek i romyah i vavarestar, hounte venn kol douy maredo.

Markus 10:4

Penan le: “O Mose penas, te činell o rom i liil, kay činlo hi, kay yob moukas lat. Oun palle nay moukell lo lat.”

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Bičepangre 10:22

Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”

Bičepangre 27:39

Har dives vas, dikan kol boudepangre ap o shiffo i kotar them an o pani. Kova prindjran yon gar. Kote dikan le i kotar phoub, kay o shiffo čiddo nay vals. Oun yon penan penge: Te djal kova, djah kote ap o them.

2. Korintarja 1:15

Kova patsau zoreles. Dran kova his an miro dji, te vap douy kope pash t'mende, te anap t'menge douy kope o Debleskro lačepen.

5. Mose 22:20

Te his kova o čačepen, te vas koy čay i vavarestar an-tapedo,