Louka 9:6 - O Debleskro Lab 2024 (Sinte-Manouche)

⁶ Oun o Yezouseskre deesh-te-douy mala kran pen ap o drom, oun djan an yek gab pal o vavar, penan i menshenge o Debleskro lab, oun kran i nasselen sasto kote, kay yon ninna djan.

O Debleskro Drom 2021 (Sinte)

⁶ Un o Jesuseskre deesh-te-dui mala kran pen ap o drom, un djan an jek gab pal o wawar, penan i menshenge o Debleskro lab, un kran i nasselen sasto kote, kai jon ninna djan.

Louka 9:6 Iomraidhean Croise

Markus 16:20

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

Louka 8:1

Oun o Yezous djas an i forya oun gaba trouyel, te penell lo i menshenge o lačo lab, kay o Devel kamell len dran o čilačepen vin te lell, oun kamell lengro ray te vell. Leskre deesh-te-douy mala djan leha.

Bičepangre 4:30

Sike lende tiri zoor! Kre i nasselen sasto, oun kre boud baro oun zorelo koova an ko lab o Yezousestar, kay toutar vas oun tiro boudepaskro hi!”

Bičepangre 5:15

Oun i menshe hidjran pengre nasselen ap i dromma, oun čivan len kote ap o čiben. Yon penan penge, te vell o Petro koy pashel oun leskro shatto perell ap lende, venn le sasto.