Louka 9:51 - O Debleskro Lab 2024 (Sinte-Manouche)

⁵¹ Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

O Debleskro Drom 2021 (Sinte)

⁵¹ Har ko tsiro kai his, te well o Jesus maredo, kras pes lo ap o drom, te djal lo an o foro Jerusalem. Un kek nai rikras les pale.

Louka 9:51 Iomraidhean Croise

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Louka 12:50

Glan mande hi i pharo tsiro. Ap mande venna bare douka. Kamoms, te vals ko tsiro pal mande.”

Louka 13:22

Oun o Yezous djas doureder ap ko drom, hoy djas an o foro Yerusalem. Oun yob vas an i gaba oun i forya, oun sikras i menshende o Debleskro drom.

Louka 17:11

Har o Yezous ap o drom an o foro Yerusalem his, djas lo mank i themma Samaria oun Galilea.

Louka 18:31

Oun o Yezous las i deesh-te-douy ap i rig oun penas lenge: “Shounenn! Mer djah kanna an o foro Yerusalem. Kote vell lauter čačo, hoy o Debleskre rakepangre pral o Menshengro Čaveste činan:

Louka 19:11

O Yezous his gar dour o forestar Yerusalem, oun i menshe patsan, kay ko tsiro kanna kay hi, kay o Devel sikrella, te hi lo o ray pral i tseli phoub. Koy penas o Yezous lenge laba, kay i khatedo čačepen dren hi,

Louka 19:28

Har o Yezous kova penas, djas lo glan lende ap o drom, kay djal an o foro Yerusalem.

Louka 24:51

Oun har yob yaake rakras, djas lo lendar oun vas pral an o bolepen hadedo.

Louka 9:57

Oun har yon ap o drom his, penas i morsh ap o Yezouseste: “Me kamau touha te djal, kay tou ninna djah.”

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 16:28

Me vom o dadestar, oun vom ap kay phoub. Oun me moukau pale kay phoub, oun djau pash miro dadeste.”

Johanni 16:5

Kanna djau me pash koleste, kay bičras man. Oun kek t'mendar poučell mandar: Kay djah tou?

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Johanni 6:62

Hoy krans t'mer, te dikans t'mer, te djal o Mensheskro Čavo pale an o bolepen?

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

Bičepangre 1:9

Har yob kova penas, vas yob glan lengre yaka an o bolepen hadedo, oun i folka las les pre.

Efesarja 1:20

hoy kras o Yezous Kristes i moulendar djido, oun beshas les ap i čači rig o Deblestar an o bolepen,

Filiparja 3:14

Me nashau ap o Yezouseskro drom doureder, te lap ko shoukar koova, hoy dell o Devel kolen, kay gar pre dan. Kova hi o djipen pash leste an o bolepen. Doleske das lo men gole, te djivas o Yezous Kristeha khetne.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.