Louka 8:8 - O Debleskro Lab 2024 (Sinte-Manouche)

⁸ Vavar djob peras ap i lači phoub, oun vas baro, oun hidjras sheel kope yaake boud.” Pal kova das o Yezous gole: “Moukenn kova an t'maro shero trouyel te djal!”

O Debleskro Drom 2021 (Sinte)

⁸ Wawar djob peras ap i latchi phub, un was baro, un hidjras sheel kope jaake bud.” Pal kowa das o Jesus gole: “Mukenn kowa an tumaro shero trujel te djal!”

Louka 8:8 Iomraidhean Croise

1. Mose 26:12

O Isaak čivas djob an i phoub an ko them. Oun o baro Devel čivas peskri zoor koy pre. Yaake las o Isaak an ko bersh sheel kope yaake boud djob, har lo an i phoub čivras.

Gosewe laba 20:12

O kand, hoy shounell oun i yak hoy dikell, kol douyen kras o baro Devel.

Gosewe laba 8:1

O gosvepen hi har i day, kay dell tout gole, har i pheen, kay moukell pes te shounell.

Jeremia 13:15

O baro Devel rakras t'mentsa. Doleske krenn t'mare kanda pre, oun venn gar pre-phourdo!

Jeremia 25:4

Boud kope bičras o baro Devel leskre rakepangre, kay leske boudran. T'mer kaman gar ap lende te shounell, oun kran t'mare kanda pandlo, oun dan kek garda ap lengre laba.

Mateo 11:15

Moukenn kova an t'maro shero trouyel te djal!

Mateo 13:23

Pale vavar menshe hi har koy lači phoub, kay o djob peras. Kolla shounan oun hayvan ko lab. An lende vell ko patsepen baro. Oun lengro djipen sikrella, te kamenn le o Debles, oun shounenn le ap leste. Pash kolende hi ko lab har o djob, kay baro vella, oun pash yekeste hidjrell lo sheel kope yaake boud. Oun pash i vavareste hidjrell lo shob-deesh kope yaake boud. Oun pale pash i vavareste hidjrell lo triyanda kope yaake boud.

Markus 4:20

Koy lači phoub hi har o dji kol menshendar, kay shounenn ko lab oun krenn kova, hoy ko lab lenge penella. Pash kolende hi ko lab har o djob, hoy baro vas. Oun pash yekeste vas lo triyanda kope yaake boud, oun pash i vavareste vas lo shob-deesh kope yaake boud, oun pale pash i vavareste vas lo sheel kope yaake boud.

Markus 4:23

Moukenn kova an t'maro shero trouyel te djal!

Markus 4:8

Vavar tikno djob peras ap i lači phoub, djas pre oun vas baro. Kova vas triyanda kope yaake boud. Vavar tikno djob vas shob-deesh kope yaake boud. Oun vavar tikno djob vas sheel kope yaake boud.

Markus 7:16

Shounenn mishto, hoy me t'menge penau!”

Louka 14:35

Ko loon molell či bouder. Tou nay vitsreh les krik. Lenn kova ap t'maro dji, hoy me t'menge penaua!”

Louka 8:15

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

Louka 8:7

Oun vavar djob peras mashkral i soubyengre bourra, oun kol bourra van yaake baro, te las o djob kek dourho bouder, oun yob meras.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Debleskro tsiro 13:9

T'mer lauter, shounenn mishto, hoy t'menge penau!

Debleskro tsiro 2:11

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, kova merell gar o douyto kopo.”

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

Debleskro tsiro 3:13

Shounenn halauter mishto, hoy o Debleskro Dourho penella ap i patslende!”

Debleskro tsiro 3:6

Shounenn halauter mishto, hoy o Debleskro Dourho penella ap i patslende!”