Louka 8:1 - O Debleskro Lab 2024 (Sinte-Manouche)

¹ Oun o Yezous djas an i forya oun gaba trouyel, te penell lo i menshenge o lačo lab, kay o Devel kamell len dran o čilačepen vin te lell, oun kamell lengro ray te vell. Leskre deesh-te-douy mala djan leha.

O Debleskro Drom 2021 (Sinte)

¹ Un o Jesus djas an i forja un gaba trujel, te penell lo i menshenge o latcho lab, kai o Dewel kamell len dran o tchilatchepen win te lell, un kamell lengro rai te well. Leskre deesh-te-dui mala djan leha.

Louka 8:1 Iomraidhean Croise

Mateo 11:1

Oun har o Yezous peskre deesh-te-douy malenge penas, hoy hounte krenn le, djas lo doureder an i vavar biboldengre forya, te sikrell lo kote i menshende o Debleskro drom.

Mateo 13:19

Ko djob, hoy peras ap o drom, sikrell t'mende yekes, kay shounas ko lab, te dell les o Devel pash peste gole. Oun yob hayvas ko lab gar. Oun o beng vas, oun las ko lab dran leskro dji vin.

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Markus 1:39

Oun yob djas an o tselo them Galilea trouyel, oun rakras an i biboldengre kangria, oun tradas i bengen dran i menshende vin.

Louka 1:80

O Yohanni vas baro, oun hayvas hako dives feteder, hoy o Devel kamella. Oun yob djivas an o moulo them yaake rah, bis te vas ko dives, kay yob glan i menshende an Israel rakras.

Louka 20:1

His i dives, kay penas o Yezous i menshenge o Debleskro lab an o Debleskro baro kheer. Oun i bare rashaya oun i biboldengre čačepangre oun phoureder van pash leste,

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Louka 9:6

Oun o Yezouseskre deesh-te-douy mala kran pen ap o drom, oun djan an yek gab pal o vavar, penan i menshenge o Debleskro lab, oun kran i nasselen sasto kote, kay yon ninna djan.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 13:32

Oun mer penah t'menge: Ko lab, hoy o Devel mare phourenge penas, vas kanna čačo, an kava tsiro, kay mer, lengre čave, djivah. O Devel kras o Yezouses i moulendar djido. An i douyti Debleskri gili hi činlo: Tou hal miro čavo. Kava dives vom tiro dad.

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!