Louka 7:16 - O Debleskro Lab 2024 (Sinte-Manouche)

¹⁶ Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

O Debleskro Drom 2021 (Sinte)

¹⁶ Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Louka 7:16 Iomraidhean Croise

Debleskri gili 65:9

Oun i menshenge ap i tseli phoub ačell o rakepen krik glan ko baro koova, hoy tou kral. Kotar, kay o kham pre djal bis kote, kay lo tele djal, moukeh tou halauteren te sal oun barhteles te vell.

2. Mose 4:31

Oun yon patsan len. Oun har shounan i Israelitarya, te dikas o baro Devel lengro pharo djipen, oun kamell lenge lačepen te krell, koy vitsran pen le ap i phoub, oun mangan o Debles an.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Mateo 15:31

Oun i tsele menshe, kay troul leste tardo hi, kran bare yaka, har yon dikan, har i nassele sasto van. Kolla, kay nashte rakran gar, rakrenn nay. Oun kolla, kolengre vasta oun herya gar sasto his, len hi kanna saste vasta oun herya. Oun i bange nay djana. Oun i korele nay dikenna. Har i menshe kova dikan, sharan le o Israeleskro Debles.

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Mateo 28:8

Oun yon djan sik krik. Lengro dji his pherdo daar oun barht. Oun yon nashan, te penenn le o Yezouseskre malenge kova lauter.

Mateo 9:8

Oun har kol boud menshe kova dikan, daran le o Deblestar oun sharan les, kay das i menshes yaake boud zoor.

Louka 1:65

Oun i traash vas ap lauterende, kay troul lende djivan. Oun i tsele menshe, hoy an o pralstouno them Youdea djivan, rakran pral kova.

Louka 1:68

“Sharas o baro Debles! Yob hi o Israeleskro Devel! Yob vas pash mende, oun las men dran mari bibarht vin.

Louka 19:44

Oun yon marenn t'mare menshen, oun denn t'mare čaven an ko foro moulo. Mo Devel kamas t'men peskro lačepen te sikrell. Oun t'mer kaman gar te krenn t'maro dji leske pre. Doleske ačell kek bar ap ko vavar an kava foro.”

Louka 2:20

Oun i bakrengre djan pale pash pengre bakre. Oun yon sharan o Debles o tselo djiyestar pral kova, hoy yon shounan oun dikan. Lauter kova his yaake, har o bolepaskro lenge penas.

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Louka 5:26

Oun kolla, kay dikan kova, kran bare yaka, oun sharan o Debles. Oun i bari traash vas ap lende, oun yon penan: “Mer dikam kava dives i baro koova.”

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Louka 7:15

Oun o djipen vas pale an leste. Oun yob hadas pes pre, oun rakras. Oun o Yezous das les leskri date pale.

Louka 7:39

Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”

Louka 8:37

Oun i bari daar vas ap lende. Oun kol boud menshe dran o them Gerasa penan ap o Yezouseste: “Mer mangah tout: Dja touke mendar!” Oun yob djas an o bero, oun ouleras pale.

Louka 9:19

Penan le leske: “Yon penenna, kay tou hal o Yohanni, kova, kay taufras i menshen. Vavar penenn: Kova hi o Eliya. Oun pale vavar penenn: Yek kol phoure Debleskre rakepangrendar stas i moulendar pre.”

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

Johanni 1:25

Yon poučan lestar: “Te hal tou gar o Kristo, vitar gar o Eliya, oun vitar gar ko Debleskro rakepaskro, kolestar penlo vas, te vell yob, hoske taufreh tou i menshen?”

Johanni 4:19

Penas koy djouvel: “Romeha, me dikau, tou hal i Debleskro rakepaskro.

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 9:17

Oun pale poučan le kolestar, kay sasto vas: “Hoy peneh tou lestar, kay yob tire yaka pre kras? Hoy peneh tou, koon yob hi?” “Yob hi i Debleskro rakepaskro,” penas lo.

Bičepangre 5:5

Har o Ananias kol laba shounas, peras yob khetne oun meras. Oun i bari traash vas ap kolende, kay shounan kova.

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.

Galatarja 1:24

Oun yon sharan o Debles pral halauter, hoy yob ap mande kras.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!