Louka 7:12 - O Debleskro Lab 2024 (Sinte-Manouche)

¹² Oun yon van pash o baro voudar kava forestar. Oun i menshe hidjran i moules dran o foro vin. Kova his o čavo i djouvyatar, kolakro rom meras. Oun lat his ninna kek vavar čave. Oun boud menshe djan lah.

O Debleskro Drom 2021 (Sinte)

¹² Un jon wan pash o baro wudar kau forestar. Un i menshe hidjran i mules dran o foro win. Kowa his o tchawo i djuwjatar, kolakro rom meras. Un lat his ninna kek wawar tchawe. Un bud menshe djan lah.

Louka 7:12 Iomraidhean Croise

1. Mose 22:12

Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

1. Mose 22:2

Penas o Devel: “Le tiro yek čaves, koles, kay tou o djiyestar kameh, o Isaakes. Oun dja leha an ko them Moriya ap koy berga, hoy me touke penau! Oun mare oun rhač les mange kote!”

2. Samuel 14:7

Oun kanna stan mire tsele menshe pre oun kamenn, te dap len koles, kay das peskro phrales moulo, te lenn le leskro djipen ko djipaske leskro phralestar, koles yob moulo das. Palle hi man bouder kek čavo, kay pal miro merepen lauter lella. Oun kova, kay mange pral ačas, hi ninna krik. Oun o lab miro romestar vell bistedo.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Rajengro liil 17:23

Kote las o Eliya o čaves oun anas les tele dran i pralstouni isema an o kheer, oun das les leskri dake. Oun o Eliya penas: “Dik, tiro čavo djivella!”

1. Rajengro liil 17:9

“Kre tout ap o drom oun dja an o foro Zarpat, ko hi pash Sidon čiddo, oun ač kote! Me penom kote i djouvyake, kolakro rom meras, te dell li tout rhapen oun pipen.”

2. Rajengro liil 4:16

Oun yob penas: “Vavar bersh an kava tsiro rikreh tou i čavo an tiri moussi.” Koy penas yoy: “Ah, miro ray, tou Debleskro morsh, kre mange či glan!”

2. Rajengro liil 4:20

Oun kova las les oun anas les dren pash leskri date. Koya beshas les ap lakre herya bis mashkral-dives. Koy meras yob.

Hiob 29:13

Kolla, kay merans, te voms gar koy, rakran i barht pral mande vin. Oun me krom, te givas o dji kolatar, kolakro rom meras.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Louka 7:11

Ap o vavar dives djas o Yezous an o foro Nayn. Peskre mala oun boud vavar djan leha.

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Louka 8:42

Leskri čay, kay his deesh-te-douy bersha phouro, his ap o merepen čiddo. Oun les his kek vavar čave har koya. Oun o Yezous kamas leha te djal. Oun boud menshe his troul leste oun djan lentsa.

Louka 8:52

Oun halauter rovan, oun dan pengre vasta pral o shero khetne. Oun yob penas ap lende: “Ma rovenn! Yoy hi gar mouli. Yoy sovella.”

Johanni 11:19

Oun boud bibolde his pash i Marta oun pash i Maria, te rakrenn le lentsa, te hi i douk gar yaake baro pral lengro phraleskro merepen.

Bičepangre 9:39

O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

Bičepangre 9:41

Oun yob das lat o vast oun hadas lat pre. Palle das yob kol patslen gole, ninna kol djouvyen, kolengre romma moulo his. Oun yoy his djido glan lende tardo.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.