Louka 6:8 - O Debleskro Lab 2024 (Sinte-Manouche)

⁸ O Yezous hayvas, hoy an lengro shero trouyel djas. Oun yob penas ap ko morsheste, koles i bango vast hi: “Ste pre oun am kay!” Oun yob stas pre, oun djas pash leste.

O Debleskro Drom 2021 (Sinte)

⁸ O Jesus haiwas, hoi an lengro shero trujel djas. Un job penas ap ko mursheste, koles i bango wast hi: “Ste pre un am kai!” Un job stas pre, un djas pash leste.

Louka 6:8 Iomraidhean Croise

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Hiob 42:2

Me hayvom kanna, te nay kreh tou halauter. Oun halauter, hoy kameh te krell, kova kreh tou ninna.

Debleskri gili 44:21

Bistrams mer tout, maro Debles, oun mangams i vavar debles an,

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Mateo 9:4

Oun o Yezous hayvas, hoy an lengro shero trouyel djas. Oun yob penas ap lende: “Hoske djal savo čilačepen an t'maro shero trouyel?

Markus 3:3

Oun yob penas ap kol morsheste, koles i bango vast hi: “Ste pre oun am kay!”

Louka 13:12

Har o Yezous lat dikas, das yob lat pash peste gole, oun penas ap late: “Romniya, tou hal kanna sasto.”

Louka 5:22

Oun o Yezous hayvas, hoy yon mashkral pende yaake penan. Oun yob penas ap lende: “Hoske djal kova an t'maro shero trouyel?

Louka 6:9

Penas o Yezous ap lende: “Me poučau t'mendar: Nay krah mer lačo koova ap o Debleskro dives pal maro čačepen? Nay krah mer i menshen sasto ap o Debleskro dives? Nay moukah mer len te merell?”

Johanni 2:25

Yob djinas, har i menshe hi. Leske hounte penell kek, hoy an o mensheskro dji hi.

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Johanni 9:4

Yaake rah har dives hi, kras mer, hoy o Devel menge penas, kova, kay bičras man. I rati vella: Koy nay krell kek i boudi.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 26:26

O baro ray Agrippa djinell kova lauter. Man hi kek traash, te rakrap leha pral halauter. Me djinau, yob shounas kova lauter. Kova, hoy koy djas, ačas gar khatedo.

Filiparja 1:28

Ma darenn kolendar, kay kamenn gar o Yezous Kristes, oun kay rhan pen ap t'mende! Te han zorelo an o patsepen tardo, sikrell kova lende, te djan yon nashedo, oun te lenn t'mer o djipen an o bolepen, hoy vella o Deblestar.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

1. Petro 4:1

O Yezous Kristo las bare douka ap peste, har yob ap i phoub his. Doleske, ma darenn, te venn ninna douka ap t'mende. Koon an peskro djipen douka hayvas, kova moukell o čilačepen.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.