Louka 4:34 - O Debleskro Lab 2024 (Sinte-Manouche)

³⁴ “Ah! Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou hal o Debleskro morsh, koles o Devel bičras.”

O Debleskro Drom 2021 (Sinte)

³⁴ “Ah! Hoi kameh tu mendar, Jesus dran Nazaret? Wal tu, te maress men? Me djinau, koon tu hal: Tu hal o Debleskro mursh, koles o Dewel bitchras.”

Louka 4:34 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Debleskri gili 16:10

Tou moukeh man gar an o merepen, oun kameh gar, te merell miro mass tele an i phoub.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Markus 1:24

“Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou veh o Deblestar.”

Markus 1:34

Oun yob kras boud nasselen sasto, oun las boud nasslepen lendar. Ninna boud bengen tradas lo vin oun moukas len gar rakrell. Yon djinan, koon yob hi. Doleske moukas o Yezous len gar te rakrell.

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 4:33

Koy his i morsh an i biboldengri kangri, kay his i beng an leste. Oun kova das bari gole:

Louka 4:41

Oun dran boud menshende, kay his benga an lende, djan i benga vin. Oun har yon vin van, dan le gole: “Tou hal o Debleskro čavo.” Oun o Yezous das len trad, oun moukas len gar te rakrell. I benga djinan, kay yob ko baro ray hi, kolestar o Devel penas, te vell yob.

Louka 8:28

Boud kope tapras les o beng. Oun i menshe pandan les sasterne shellentsa ap i vasta oun ap i pire. Yob phagas kol sasterne shelle pestar tele. Oun o beng tradas les an o moulo them. Har ko morsh kanna o Yezouses dikas, vitsras pes lo glan leste ap i phoub. Oun o Yezous penas zoreles ap o bengeste: “Dja lestar vin!” Koy das yob bari gole: “Yezous, čavo o baro Deblestar, hoy kameh tou mandar? Me mangau tout: Ma douke man!”

Louka 8:37

Oun i bari daar vas ap lende. Oun kol boud menshe dran o them Gerasa penan ap o Yezouseste: “Mer mangah tout: Dja touke mendar!” Oun yob djas an o bero, oun ouleras pale.

Bičepangre 16:39

oun djan pash lende, mangan pen tele glan lende, anan len dran o stilepen vin, oun mangan len, te djan le dran o foro vin.

Bičepangre 2:27

Tou moukeh man gar pash i moulende, oun kameh gar, te merell miro mass tele.

Bičepangre 3:14

T'mer dan koles bourhoste, kay vas o Deblestar, oun kay his kek čilačepen an leste. Oun t'mer mangan o Pilatestar, te moukell lo koles dran o stilepen te djal, kay maras yekes.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Jakobo 2:19

Tou patseh, kay dell yek Devel kokres. Mishto, kre kova! Ninna kol benga patsenn kova oun trashenna.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 20:2

Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.