Louka 4:15 - O Debleskro Lab 2024 (Sinte-Manouche)

¹⁵ Oun yob djas an i biboldengre kangria oun sikras i menshende o Debleskro drom. Oun hakeno sharas les.

O Debleskro Drom 2021 (Sinte)

¹⁵ Un job djas an i biboldengre kangria un sikras i menshende o Debleskro drom. Un hakeno sharas les.

Louka 4:15 Iomraidhean Croise

Jesaja 55:5

Ninna t'mer denn menshen pash mande gole, kolen gar prindjrenn. Oun save, kay prindjrenn t'men gar, venn pash t'mende naashedo, te dikenn le, hoy me, t'maro baro Devel, t'menge krom. Me, o čačo Devel pral o Israel, krau t'men baro oun raylo.

Mateo 13:54

Oun yob djas an peskro dadeskro foro, oun penas i menshenge o Debleskro lab an lengri kangri. Oun yon kran bare yaka oun penan: “Koon das les ko gosvepen oun koy zoor, te nay krell lo savo baro koova?

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Mateo 9:8

Oun har kol boud menshe kova dikan, daran le o Deblestar oun sharan les, kay das i menshes yaake boud zoor.

Markus 1:27

Oun lenge ačas o rakepen krik. Oun yon poučan mank pende: “Hoy hi kova? I nevo drom sikrell lo men i bari zoryah. Les hi ninna penepaske pral i benga. Oun yon shounenn ap leste, oun venn dran i menshende vin.”

Markus 1:39

Oun yob djas an o tselo them Galilea trouyel, oun rakras an i biboldengre kangria, oun tradas i bengen dran i menshende vin.

Markus 1:45

Oun ko morsh djas peske, oun rakras boud pral kova, hoy o Yezous leske kras. Oun boud shounan kova, yaake, te nay djas o Yezous bouder gar an i forya dren, har yob kamas. Oun yob his vin, kote, kay kek menshe djivan. Oun kote van le pash leste dran i tsele gaba oun forya.

Louka 13:10

His i Debleskro dives, koy his o Yezous an i biboldengri kangri oun penas i menshenge o Debleskro lab.

Louka 4:16

Oun yob vas an o foro Nazaret, kay yob baro vas. Ap o Debleskro dives djas lo an i biboldengri kangri, har yob kova hako Debleskro dives kras. Oun yob stas pre, te draverell lo an o Debleskro lab.