Louka 4:1 - O Debleskro Lab 2024 (Sinte-Manouche)

¹ Oun o Yezous his pherdo Debleskro Dourho. Oun yob moukas o them pash o pani Yordan. Oun o Debleskro Dourho anas les an o moulo them.

O Debleskro Drom 2021 (Sinte)

¹ Un o Jesus his pherdo Debleskro Ducho. Un job mukas o them pash o pani Jordan. Un o Debleskro Ducho anas les an o mulo them.

Louka 4:1 Iomraidhean Croise

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Mateo 3:16

oun taufras o Yezouses. Har o Yezous dran o pani pral djas, djas o bolepen pre. Oun yob dikas o Debleskro Dourho har i parno čirklo ap peste tele te vell.

Louka 2:27

Oun ap ko dives, kay anan o Yosef oun i Maria pengro čaves, o Yezouses, an o Debleskro baro kheer, te denn le les an o Debleskro vast, har kova pal o biboldengro čačepen yaake his, koy anas o Debleskro Dourho o Simeones ninna an o Debleskro baro kheer.

Louka 3:3

Oun o Yohanni djas an o them pash o pani Yordan trouyel, oun penas i menshenge: “Moukenn t'maro čilačo drom! Oun djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik.”

Louka 3:38

o Enosh, o Set, o Adam. Kova vas o Deblestar.

Louka 4:14

Oun o Yezous djas pale an o them Galilea. Oun o Debleskri zoor his an leste. Oun an i tsele gaba oun forya, kay kote his, shounan le lestar.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Johanni 1:32

Oun o Yohanni penas: “Čačepah, me dikom o Debleskro Dourho har i parno čirklo, kay vas dran o bolepen pral tele, oun ačas ap leste.

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 8:39

Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.