Louka 3:3 - O Debleskro Lab 2024 (Sinte-Manouche)

³ Oun o Yohanni djas an o them pash o pani Yordan trouyel, oun penas i menshenge: “Moukenn t'maro čilačo drom! Oun djan ap o Debleskro drom! Oun moukenn t'men te taufrell! Oun o Devel lell t'mari doosh t'mendar krik.”

O Debleskro Drom 2021 (Sinte)

³ Un o Johanni djas an o them pash o pani Jordan trujel, un penas i menshenge: “Mukenn tumaro tchilatcho drom! Un djan ap o Debleskro drom! Un mukenn tumen te taufrell! Un o Dewel lell tumari doosh tumendar krik.”

Louka 3:3 Iomraidhean Croise

Mateo 3:11

Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Louka 1:16

Oun yob anell boud menshen an Israel pash o Debleste.

Louka 1:77

Leskre menshende sikreh tou, har nay vell lengri doosh krik lino, yaake te djan le gar nashedo.

Louka 4:1

Oun o Yezous his pherdo Debleskro Dourho. Oun yob moukas o them pash o pani Yordan. Oun o Debleskro Dourho anas les an o moulo them.

Johanni 1:28

Har o Yohanni kova rakras, his yob an o foro Betani ap i vavar rig o panyestar Yordan, kote, kay taufras lo i menshen.

Johanni 3:26

Oun yon djan pash o Yohanneste, oun penan leske: “Sikepaskro, ko morsh, kay his pash toute ap o vavar panyeskri rig, pral koleste rakral, oun boud menshe shounan kova, kova hi kate, oun taufrell i menshen. Oun hakeno djal pash leste.”

Bičepangre 13:24

Glan ko tsiro, kay o Yezous ap i menshende rakras, penas o Yohanni i tsele menshenge an o them Israel, te moukenn le pengro čilačo drom, oun djan ap o Debleskro drom, oun te moukenn le pen te taufrell.

Bičepangre 19:4

Koy penas lenge o Paulo: “O Yohanni taufras kolen, kay kaman te sikrell, kay moukan le pengro phouro djipen. Oun yob penas i menshenge, te hounte patsenn le ap koleste, kay pal leste vella. Oun kova hi o Yezous.”

Bičepangre 22:16

Oun kanna ste pre! De leskro lab an-gole! Oun mouk tout te taufrell, oun tiri doosh tele te thovell!”