Louka 3:11 - O Debleskro Lab 2024 (Sinte-Manouche)

¹¹ “Te hi yekes douy gada,” penas lo, “mou dell lo yek gad koleste, kones kek hi. Oun kones rhapen hi, kova dell koleste i paash, kones či hi.”

O Debleskro Drom 2021 (Sinte)

¹¹ “Te hi jekes dui gada,” penas lo, “mu dell lo jek gad koleste, kones kek hi. Un kones chapen hi, kowa dell koleste i paash, kones tchi hi.”

Louka 3:11 Iomraidhean Croise

Ezekiel 18:7

Yob rikrell kekes zoryah tele. Te patsas lo love vin, dell lo kova pale, hoy das les ko čorvelo ko tsireske, kay les siyaan pash leste hi. Yob lell kekestar čomone zoryah peske. Peskro maro dell lo koles, kones bok hi, ninna koola koles, kay kek an-ripaske hi.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

Johanni 13:29

Mashkral lende his kolla, kay hayvan, har te penals o Yezous ap leste, te ginell yob čomone dren, hoy len hounte vell ap o festo. Kol vavar hayvan, har te penals o Yezous, te dell yob čomone i čorvelende. O Youdas his kova, kay hidjras koy possita lengre loventsa pash peste.

Bičepangre 10:2

Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.

Bičepangre 10:31

Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Jakobo 2:14

Mire phrala, te penell yek, kay yob ap o Yezous Kristeste patsella, oun krell či leske, koleskro patsepen hi či moldo ap ko dives, kay yob glan o Debleste tardo hi.

1. Johanni 3:17

Te hi yek bravelo, oun dikell, kay peskro phrales gar doha djipaske hi, oun yob dell les či, yaake nay ačell gar o Debleskro kamlepen an leste.

1. Johanni 4:20

Te penell yek: “Me kamau o Debles,” oun krell peskro phraleske čilačepen, kova hi i rhorheno. Yob kamell gar peskro phrales, koles yob nay dikella. Har nay kamell lo o Debles, koles yob nay gar dikella?