Louka 2:51 - O Debleskro Lab 2024 (Sinte-Manouche)

⁵¹ Palle djas lo lentsa pale an o foro Nazaret, oun kras lauter, hoy yon penan leske. Leskri day rikras kol tsele laba, hoy o Yezous penas, an peskro dji.

O Debleskro Drom 2021 (Sinte)

⁵¹ Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Louka 2:51 Iomraidhean Croise

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

Debleskri gili 119:11

Me rikrau tiro lab an miro dji, te anap kek doosh ap mande.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Mateo 12:46

Oun har yob kova kol menshenge penas, kay troul leste tardo his, koy vas leskri day oun leskre phrala. Yon his vin tardo, oun kaman leha te rakrell.

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Markus 1:9

His an kol divessa, kay vas o Yezous dran o foro Nazaret, hoy an o them Galilea čiddo hi, oun moukas pes o Yohannestar an o pani Yordan te taufrell.

Markus 6:3

“Hi kova gar ko morsh, kay boudrell i kashtentsa? Hi leskri day gar i Maria? Hi leskre phrala gar o Yakobo, o Yosef, o Simon, oun o Youdas? Oun ninna leskre phenya djivenn pash mende.” Oun yon rhoyran pen pral leste.

Louka 18:37

Koy penan le: “O Yezous dran Nazaret djal kote.”

Louka 2:19

I Maria rikras kol tsele laba an peskro dji oun moukas len an lakro shero trouyel te djal.

Louka 2:39

Oun har i Maria oun o Yosef lauter yaake kran, har an o Debleskro lab činlo his, djan le pale an pengro foro Nazaret, hoy an o them Galilea hi.

Louka 4:16

Oun yob vas an o foro Nazaret, kay yob baro vas. Ap o Debleskro dives djas lo an i biboldengri kangri, har yob kova hako Debleskro dives kras. Oun yob stas pre, te draverell lo an o Debleskro lab.

Louka 4:23

O Yezous penas: “Čačepah, t'mer penenna: Dramaskro, kre tout kokres sasto! Tou kral sau baro koova an o foro Kapernaum. Kre kova kate ninna!

Efesarja 5:21

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

1. Petro 2:21

Yob das t'men pash peste gole, te krenn o lačepen, oun te rikrenn i douka vin. Ninna o Yezous Kristo las t'menge douka ap peste. Yob kras kova, te sikrell lo t'menge, har te djan leske palla.