Louka 19:5 - O Debleskro Lab 2024 (Sinte-Manouche)

⁵ Oun o Yezous vas koy oun dikas pre, oun penas ap leste: “Zakeo, am sik koy tele! Kava dives hounte vap me an tiro kheer.”

O Debleskro Drom 2021 (Sinte)

⁵ Un o Jesus was koi un dikas pre, un penas ap leste: “Zacheo, am sik koi tele! Kau diwes hunte wap me an tiro kheer.”

Louka 19:5 Iomraidhean Croise

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Ezekiel 16:6

Kote djom me kote miro drom, kay tou čiddo hals. Oun me dikom tout, har tou ratles koy čiddo hals. Oun me penom ap toute: Tou ačess djido! Ava, ap toute penom: Tou djivess,

Louka 19:10

O Mensheskro Čavo vas, te rodell lo kolen, kay nashedo hi, oun te anell lo kolen ap o Debleskro drom, kay ap o čilačo drom hi.”

Louka 19:2

Kote his i biboldo, ko his i pralstouno pral kolende, kay lenna i biboldendar love i Remaryenge dren. Leskro lab his Zakeo.

Louka 19:4

Doleske nashas lo glan i menshende, oun djas ap i rouk, te dikell lo feteder.

Louka 19:6

Oun o Zakeo vas sik o roukestar tele, oun las o Yezouses an peskro kheer dren, oun his barhtelo.

Johanni 1:48

“Har nay djineh tou, koon me hom?” poučas o Natanael lestar. Penas o Yezous: “Har tou tel o faygetikro rouk hals, dikom me tout, glan ko tsiro, kay o Filipo das tout gole.”

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.