Louka 16:8 - O Debleskro Lab 2024 (Sinte-Manouche)

⁸ Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

O Debleskro Drom 2021 (Sinte)

⁸ Un ko rai sharas ko chocheno budepaskres doleske, kai his lo gosewo.” “Un kowa hi tchatcho”, penas o Jesus, “kol menshe, kai prindjrenn o Debles gar, djan gosweder trujel i wawar menshentsa har kolla, kai djan ap o Debleskro drom.

Louka 16:8 Iomraidhean Croise

1. Mose 3:1

O sap his gosveder har i tsele vavar firhe, hoy kras o baro Devel, maro ray. Oun o sap penas ap i romyate: “Penas o Devel čačepah, te hounte rhan gar i roukendar an i baar?”

2. Samuel 13:3

O Amnones his i maal. Kova kharas Yonadab. Leskro dad his o Davideskro phraal Shimea. Oun ko Yonadab his i gosevo morsh.

2. Rajengro liil 10:19

Denn kol tsele morshen pash mande gole, kay hi leskre rakepangre, boudepangre oun rashaya. Kek hounte ačell krik. Me anau i baro rhapen o debleske Baal. Koon gar vella, vell moulo dino.” O Yehoues his pal i kanda oun kras kova lauter, te dell lo i tsele morshen moulo, kay o debles Baal an-mangan.

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

2. Mose 1:10

Mer hounte hatsas i drom, te venn yon gar gomme boudeder. Te phagals i baro kourepen vin, nay dans pen yon ap i vavar rig, oun mer hounte kourams men lentsa, oun yon djans dran ko them vin.”

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Mateo 12:32

Oun yek te penell djoungele laba pral o Menshengro Čaveste, yaake nay bistrell lo kova. Yek te rakrell djoungele laba pral o Debleskro Dourho, kova bistrell lo an kek tsiro, gar an kava tsiro, oun vitar gar an ko tsiro, kay vella.

Mateo 17:26

Penas o Petro: “I vi-themarya hounte denn kol love ap i bare rayende.” “Mishto,” penas o Yezous, “yaake hounte playsrenna lengre menshe či ap lende.

Louka 16:10

“Koon an i tikno koova lauter mishto krella, kova krell ninna an i baro koova lauter mishto. Koon i tikno koova gar mishto krella, kova krell ninna i baro koova gar mishto.

Louka 16:4

Me djinau kanna, hoy te krap, te lenn yon man pash pende pre ap ko dives, kay hi man bouder kek boudi.

Louka 16:7

Oun te poučas lo i vavarestar: Har boud siyaan hi tout? Oun kova penas: Sheel gone djob. Palle penas lo ap koleste: Le ko liil, kay tiro siyaan dren tardo hi, oun čin kanna: orhta-deesh!

Louka 18:6

Koy penas o Yezous: “Shounenn t'mer, hoy ko čilačo čačepaskro ray penas?

Louka 20:34

Penas o Yezous lenge: “I menshe ap kay phoub romedinerenna oun moukenn pen te romedinerell.

Louka 20:35

Kol moulen, kay o Devel djido krella, te djivenn le pash leste, kolla romedinerenn bouder gar oun venna gar romedino.

Johanni 12:36

Patsenn ap koy momeli, yaake rah har t'men koy momeli hi! Palle venn t'mer menshe, kolen hi i momeli ap pengro drom oun djivenn gar an o tamlepen.” Har o Yezous kova ap lende penas, djas lo peske, oun khatras pes lendar.

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

1. Tessalonikarja 5:5

T'mer lauter djan ap o čačo drom, oun djivenn gar an o čilačepen. Kova hi har te djivenn ap o dives, oun gar an i rat.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.