Louka 15:4 - O Debleskro Lab 2024 (Sinte-Manouche)

⁴ “Te hi yekes t'mendar sheel bakre, oun yek lendar djal nashedo, palle moukell lo kol vavaren tardo, oun rodell ko yekes yaake rah, te hatsell lo les.

O Debleskro Drom 2021 (Sinte)

⁴ “Te hi jekes tumendar sheel bakre, un jek lendar djal nashedo, palle mukell lo kol wawaren tardo, un rodell ko jekes jaake rah, te hatsell lo les.

Louka 15:4 Iomraidhean Croise

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jeremia 33:13

Oun i bakrengre ginenn pale pengre bakre, kitse yon hi, te djan le vin oun dren glan kol forya, kay hi ap i bare oun tikne berge, oun an o them Negev, oun an o them Benyamin oun troul Yerusalem, oun an i forya o themestar Youda. Kova penell o baro Devel.

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:31

Ava, t'mer mire menshe, han mire bakre, ap kolende yak dau. Oun me hom t'maro Devel. Kava penell o baro Devel, maro ray.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

Ezekiel 34:8

Pash miro djipen dau man sovel, penell o baro Devel, maro ray: Mange hi doha te dikap, har venn mire bakre khetne dandedo oun rhalo i divye firhendar. Len hi kek bakrengro, kay ap lende yak dell. Mire bakrengre dikenn kokres ap pende, te djal lenge mishto, oun poučenn gar pal mire bakre. Mire bakren anenn le gar kote, kay lačo zenlepen hi.

Mateo 12:11

Penas lo ap lende: “Te hi yekes t'mendar i bakro, oun kova perell ap o Debleskro dives an i rheb an i phoub, kek t'mendar moukals les kote. Na-a, yob djals kote, taprals les, oun lals les kote vin.

Louka 13:15

Penas o Yezous ap koleste: “T'men hi douy djia! T'mer krenn har te krans kek boudi ap o Debleskro dives. Hakeno t'mendar pandell peskri groumni oun peskri esla tele, oun anell len pash o pani ap o Debleskro dives.

Louka 15:3

Koy penas o Yezous lenge laba, kay i khatedo čačepen dren hi, oun penas:

Louka 19:10

O Mensheskro Čavo vas, te rodell lo kolen, kay nashedo hi, oun te anell lo kolen ap o Debleskro drom, kay ap o čilačo drom hi.”

Remarja 2:1

Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.