Louka 12:9 - O Debleskro Lab 2024 (Sinte-Manouche)

⁹ Koon man bourhoste della glan i menshende, koles dau me ninna bourhoste glan o Debleskre bolepangre.

O Debleskro Drom 2021 (Sinte)

⁹ Koon man buchoste della glan i menshende, koles dau me ninna buchoste glan o Debleskre bolepangre.

Louka 12:9 Iomraidhean Croise

Mateo 10:33

Koon man bourhoste della glan i menshende, koles dau me ninna bourhoste glan miro dadeste an o bolepen.

Mateo 25:12

Penas lo ap lende: Čačepah, me prindjrau t'men gar.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 7:23

Palle penau lenge: Me prindjrau t'men gar. Djan mandar, t'mer čilače!

Markus 8:38

I menshe an kava tsiro hi čilačo oun moukan o Debles. Kova, kay ladjell pes mange oun mire labenge glan kolende, koleske ladjau me ninna, te vau me, o Mensheskro Čavo, pale ap i phoub. Ap ko dives hi man o raylepen, hoy das man miro dad an o bolepen. Oun mantsa venna o Debleskre bolepangre.

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Louka 22:57

O Petro das bourhoste oun penas: “Romniya, me prindjrau les gar.”

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

2. Timoteo 2:12

Te rikrah vin an o patsepen, vah mer raya leha an o bolepen. Te dah mer les bourhoste, dell yob men ninna bourhoste.

1. Johanni 2:23

Hakeno, kay o Debleskro čaves bourhoste della, prindjrell vitar gar o Debles, kay leskro dad hi. Koon ap o Yezouseste patsella, oun i menshenge penella, te hi o Yezous o Debleskro čavo, kova prindjrella ninna o Debles, leskro dades.

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.

Debleskro tsiro 3:8

Me prindjrau lauter, hoy t'mer mange kran. Dikenn, me krom i voudar glan t'mende pre, hoy kek nay pandell. T'men hi i tikni zoor, oun rikran miro lab an t'mare djia, oun dan man gar bourhoste.