Louka 10:16 - O Debleskro Lab 2024 (Sinte-Manouche)

¹⁶ Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

O Debleskro Drom 2021 (Sinte)

¹⁶ Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”

Louka 10:16 Iomraidhean Croise

2. Mose 16:7

Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:2

Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 16:11

Tou oun tire tsele menshe čivan t'men khetne, te hadenn t'men pral o baro Debleste. Kova hi gar o Aron, pral koleste hadan t'men.”

Mateo 10:40

Koon t'men an peskro kheer lella, lell man an peskro kheer. Oun kova, kay man an peskro kheer lella, kova lell koles an peskro kheer, kay man bičras.

Mateo 18:5

Oun kova, kay lell savo čavo pash peste pre, kova lell man pash peste pre.

Markus 9:37

“Kova, kay lell savo čaves pash peste pre an miro lab, kova lell man pash peste pre. Oun koon man pre lella, kova lell o koles pre, kay bičras man.”

Louka 9:48

oun penas ap lende: “Kova, kay lell kava čaves pash peste pre an miro lab, kova lell man pash peste pre. Koon man pre lella, kova lell koles pre, kay bičras man. Koon mashkral t'mende o tikneder hi, kova hi baro.”

Johanni 12:44

Oun o Yezous das zoreles gole: “Koon ap mande patsella, kova patsell gar ap mande kokres. Kova patsell ninna ap koleste, kay bičras man.

Johanni 12:48

Koon lell man gar pre, oun kamell gar mire laba te shounell, kova lell peskri phagi. Kol laba, hoy me rakrom, denn les i phagi ap ko dives, kay o čačepen pral i tsele menshende vi-rakedo vella.

Johanni 13:20

Čačepah, me penau t'menge: Koon yekes an peskro kheer lella, koles me bičrom, kova lell man an peskro kheer. Oun koon man an peskro kheer lella, kova lell koles an peskro kheer, kay bičras man.”

Bičepangre 5:4

Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

Galatarja 4:14

Ninna te his miro nasslepen t'menge gar shoukar, dikan t'mer gar tele ap mande, vitar gar bičran man t'mendar krik. Na-a! T'mer lan man pre, har te voms o Debleskro bolepaskro, har te voms o Yezous Kristo kokres.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.