Louka 1:48 - O Debleskro Lab 2024 (Sinte-Manouche)

⁴⁸ Me hom gar moldo, te dikas o Devel yaake lačes ap mande. Oun kanna sharenn man i tsele menshe. Oun lengre čave penenna mandar, kay o Devel man barhteles kras.

O Debleskro Drom 2021 (Sinte)

⁴⁸ Me hom gar moldo, te dikas o Dewel jaake latches ap mande. Un kanna sharenn man i tsele menshe. Un lengre tchawe penenna mandar, kai o Dewel man bachteles kras.

Louka 1:48 Iomraidhean Croise

1. Mose 30:13

Koy penas i Lea: “Har barhtelo hom me. I romya sharenna man oun penenna Havi barhteli romni!” Oun yoy das les ko lab Asser.

2. Samuel 7:8

Doleske hounte peness tou ap miro boudepaskro o David: Yaake penell o baro Devel, ko ray pral o bolepen oun i phoub: Me lom tout i bakrendar krik, kay tou pre garda dal, te vess tou ray pral mire menshende Israel.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 136:23

Yob bistras men gar, har tele rikede hams. Leskro lačepen ačella hako tsireske!

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Maleachi 3:12

Oun i menshe an i tsele themma penenn pral t'mende: “Dikenn, har barhteles yon hi! Havo shoukar them len hi!” Ko penell o baro Devel, ko ray pral o bolepen oun i phoub.

Louka 1:28

Oun o Gabriel vas pash late an o kheer oun penas: “Lačo dives, Maria! O Devel hi touha! Yob dikas lačes ap toute.”

Louka 1:42

oun das bares gole: “Sharedi veh tou mashkral i tsele djouvyende, oun sharedo vell o ternepen an toute!

Louka 1:45

Barhteli hal tou! Tou patsal, te vell kova yaake, hoy o Devel touke penas.”

Louka 1:49

Baro koova kras yob ap mande. Les hi i tseli zoor, oun leskro lab hi bareder har hako vavar lab.

Louka 11:27

Boud menshe his troul o Yezouseste tardo. Oun har yob kova penas, das i djouvel gole: “Barhteli hi koy day, kolatar tou boldo val!”

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.