Louka 1:15 - O Debleskro Lab 2024 (Sinte-Manouche)

¹⁵ Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

O Debleskro Drom 2021 (Sinte)

¹⁵ Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Louka 1:15 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 48:19

Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

1. Familjakro liil 17:8

Me homs pash toute, kay tou ninna djal, oun marom kolen lauteren glan toute, kay kouran pen touha. Me krom tiro lab bares, yaake prindjedo har i laba kol bare rayendar ap i phoub.

1. Familjakro liil 29:12

Bravlepen oun sharepen vell toutar. Tou kokres hal o ray. Tou kreh zorelo oun baro, oun nay kreh i menshes baro oun zorelo.

Debleskri gili 22:9

“De gole ap o baro Debleste! Te kamell lo tout, palle lell lo tout vin oun rikrell peskro vast pral toute.”

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Jeremia 35:6

Yon penan: Mer piyah kek mool; maro dad, o Yonadab, koleskro dad o Rekab his, penas menge zoreles: T'mer oun t'mare čave kay pal t'mende venna, hounte piyenn an kek tsiro mool,

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

Zakarie 9:15

O baro Devel, ko ray pral o bolepen oun i phoub, rikrell peskre vasta pral peskre menshende. Yon venn i zorleder oun stakrenn i barra tele, hoy ap lende vitsedo van. Yon piyenn oun denn gole har te vans le mato i molyatar. Yon venn yaake pherdo rat, har i čaro pherdo firhengro rat hi, hoy vell vin čoredo o Debleske ap leskri rhačepaskri, oun hoy nashell pral i rigya tele.

Louka 1:14

Oun tiro dji stella i barhtyatar. Oun boud menshe venna barhteles pral ko ternepen.

Louka 7:28

Me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay patsenn ap mande oun moukenn man pengro ray te vell, kova hi bareder har o Yohanni.

Louka 7:33

O Yohanni, kova, kay taufras i menshen, rhas kek maro, oun piyas kek mool. Lestar penan t'mer: An koleste hi i beng.

Johanni 5:35

O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

Josua 3:7

Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

Josua 4:14

Oun ap ko dives kras o baro Devel o Yosua bares glan i yaka kol tsele menshendar Israel. Oun an leskro tselo djipen dikan le pre ap leste, yaake har le kova ninna o Moseha kran.